Hugues de Luycchiaco, sa femme et ses enfants renoncent à tous les droits qu'ils prétendent avoir sur le moulin de Masseuil appartenant à l'église de Saint-Hilaire de Poitiers.

l.1 In nomine sanctȩ et individuȩ Trinitatis. Ego Hugo de Lucchiaco omnibus sanctȩ matris ecclesiȩ filiis tam presentibus quam futuris, volo manifestari quoniam calumpniam quam injuste in molendino beati HYLARII de Masolio faciebam, beato
l.2 HYLARIO, ac ejus canonicis tam victuris quam modo viventibus, ego et uxor mea Orengia, ac filii mei Petrus, Guillelmus, Stephanus, Goffredus, et filiȩ meȩ Petronilla, Briccia, et reliquimus et omnino finivimus, ita quod nec ego, nec uxor mea, nec
l.3 filii mei, nec filiȩ meȩ, nec aliquis parentum meorum nec illorum, in predicto molendino nec in rebus pertinentibus ipsi aliquid reclamemus, nec ulterius requiramus. Ut autem hanc dimissionem calumpniȩ firmiter tenerem, promisi meam fidem, promisi etiam fidem quod
l.4 si aliquid calumpniȩ ab aliquo in predicto molendino, et in rebus ipsi pertinentibus insurgeret, in quantum possem sine dono pecuniȩ fortitudinem et adjutorium predictis canonicis ferrem. Petrus, etiam filius meus, beati HYLARII canonicus, coram prioribus et
l.5 canonicis in capitulo propria manu juravit super sancta Evangelia, se nil quesiturum in predicto molendino, nec in rebus ipsi pertinentibus, nisi cum communi assensu priorum et concessione canonicorum posset in capitulo canonice donum accipere. Dimissionem vero calumpniȩ hujus,
l.6 molendini, feci ego in capitulo Beati HYLARII coram prioribus et canonicis in manu Stephani decani cum corrigia mei bautei, et eam ego et Petrus filius meus canonicus super altare sepulchri beati HYLARII posuimus, et cartam cum eadem corrigia. Si quis
l.7 autem, vel ego, vel aliquis parentum meorum, vel filiorum meorum, vel filiarum, contra hanc cartam calumpniando insurrexerit, iram Dei omnipotentis incurrat, ac judice cogente C libras auri, persolvat, ejusque calumpnia irrita permaneat. Hujus autem
l.8 carte testes existunt: Guillelmus thesaurarius Beati HYLARII, Stephanus decanus, Hugo precentor, Arnaudus sub[centor], Guillelmus magister scolarum, Rainaudus Letardi, Girardus de Clois, Johannes de Foro, Guillelmus de Turre, Girardus
l.9 dapifer, Rotbertus de Mirebello, Arbertus de Foro, Leonius, Raino venerabilis, Guillelmus de Cameris, Aimericcus frater ejus, Constantinus de Viveona, Constantinus Bonioti, Constantinus Airaudi, Garnerius, Petrus Rohodi, Petrus Garnerii, Aimericcus
l.10 Ansterii. Laici autem testes hujus cartȩ sunt isti: Albericcus, Aimo, Bernardus frater Beringerii, Stephanus Rufus, Hugo filius Goscelini, Willelmus de Petloba, Rainerius frater ejus, Tetmarus Borelli, Barretus, Isembertus
l.11 de Anseio. Item clerici: Marquerius, Gaufridus Bernardi, Raginaudus Taupa, Johannes juvenis, Petrus de Lateleio, Willelmus de Sancto Savino, Garnerius frater Marquerii.