Gerbert, prêtre, donne à l'abbaye de Nouaillé plusieurs biens notamment à Riost et à Saint-Sauveur. Il s'engage à ne pas se faire moine ailleurs qu'à Nouaillé.

l.1 Notum sit omnibus fidelibus sancti Dei aecclesiȩ quod ego Girbertus sacerdos societatem atque participacionem oracionum habere cupiens fratrum qui
l.2 in ȩcclesia beate Mariȩ et beati JUNIANI deserviunt, donavi Deo et sanctȩ Mariȩ et beato Juniano in manu venerabilis viri Bertramni abbatis,
l.3 terram meam de Riost, vineas quoque meas atque prata et cellarium quod est in villa Sancti Salvatoris, id est omnia que in honore sancti Juniani habebam
l.4 vel postea habiturus eram; dedi ȩtiam capellam meam sacerdotalem, et medietatem mobilis mei census; pro his vero quȩ in aliis locis
l.5 empturus sum vel quocumque modo adipisciturus, reddam quod tantundem valeat in rebus sancti JUNIANI. Quod si sanctȩ
l.6 religionis mihi habitum suscipere placuerit, Sancti Juniani monasterium non dimittam ut ad alium pergam. Quod si monacus
l.7 non fuero, omnia quȩ suprascripta sunt firmiter teneantur. Dedit ȩtiam prefatus abba et omnis congregatio societatem
l.8 mihi et omnibus pro quibus hȩc dona obtuli, patri videlicet meo et matri aet amite meȩ, vel aliis parentibus. Hanc vero cartam
l.9 manu propria firmavi, et super altare posui, videntibus monachis et laicis Aimerico, Garnerio, Guillelmo et Viviano. Laici vero fuerunt
l.10 hi: Maingodus, Gundoinus et Petrus frater suus, Petrus Bozerius, Petrus judex et nepos ejus Petrus.