Pierre Abrutit et son frère Étienne donnent à l'abbaye de Nouaillé leur alleu de Chasseignes.

l.1 Dum in hoc sȩculo unusquisque homo proprio vacat arbitrio, oportet pro salute animae vigilare,
l.2 ut pius Dominus qui revocat fugientem et recipit convertentem, non inveniat unumquemque inparatum,
l.3 et sine aliquo respectu discedat a sȩculo, quin potius dum proprio libertatis jure subsistit, ex caducis
l.4 substanciis in aeterna tabernacula vitam quȩrat mereri aeternam, ut inter justorum consortium desiderabilem
l.5 valeat adipisci locum. Idcirco ego in Dei nomine Petrus cognomento Abrutit et frater meus Stephanus per hanc
l.6 epistolam donationis damus, donatumque in perpetuum esse volumus, adque de jure nostro in potestatem et dominationem
l.7 monasterii Nobiliacensis in honore Dei genitricis et semper virginis Mariȩ. Sanctissimique Hylarii pontificis
l.8 necnon et piissimi confessoris Juniani constructum, transfundimus atque transcribimus; hoc est alodem nostrum
l.9 qui vocatur Kassanas quantumcumque ibi mater nostra visa est habere in suo dominio, sicuti ipsa
l.10 moriens dereliquit, totum ad supradictum locum in helemosina pro animabus patris, matris, omniumque
l.11 parentum nostrorum et nostris, concedimus, ut misericordiam consequamur ante tribunal aeterni justique judicis Dei.
l.12 Est autem iste alodus unde nos istam donationem facimus juxta villam quȩ Uttum vocatur.
l.13 Factum est autem hoc anno millesimo LXXXXo indiccione XIII, epacta XVII, concurrens unus.
l.14 S. Engelelmi de Mortemari, qui manu propria firmavit et crucis signum imposuit.
l.15 S. Petri archidiaconi ecclesiȩ. S. Petri. S. Stephani Mihot, clerici. S. Unberti de Chaalac presbiteri. S. Willelmi de Cantolern. S. Guillelmi de Macer[iolas].
l.16 S. Stephani de Macheriolas. S. Gauteri de Buialoi.
l.17 [croix][croix][croix].