Accord entre Bernard Audeerius et Bertrand, abbé de Nouaillé, au sujet de biens donnés par l'abbaye à Ferfant et Clussay par Aimeri Itier.

l.1 Sanctorum Patrum auctoritate firmatur patriȩ cȩlestis nullum posse conscendere culmen, nisi qui, tociusmundi contemptor effectus,
l.2 terrenarum sarcinam rerum gravem ab humero cordis postponere voluerit. Hanc profecto viam non tam dictis quam aetiam factis evidentibus
l.3 nostri majores nobis demonstrarunt. Dictum namque est ad Abraham: De cognacionis tuȩ terra egredere. Et Dominus in Evangelio: Quicumque, inquit,
l.4 perfectionis summam adtingere festinat, distractis omnibus quȩ habet pauperibusque distributis, nudus me sequatur. Si igitur qui propria retinet et aliis
l.5 ea non inpertit, culpȩ crimen incurrerit, quanto magnis ille culpandus erit, qui aliena immo quod pejus est, res sanctuarii sibi cupit usurpare. Quapropter,
l.6 ego Bernardus Audeȩrius et filius meus Bernardus convenienciam habuimus cum venerabili viro Bertrando Nobiliacensis ecclesiae abate, quam omnibus sancte Dei ecclesiȩ christianis
l.7 volumus innotescere de honore scilicet cujusdam consanguinei nostri Aimerici Iterii, hoc est de decima illius terrȩ quȩ Furfan nuncupatur dedit certe nobis idem abas
l.8 duas decime partes, tali modo, ut post obitum meum et filii Bernardi mei in jus ȩcclesiȩ sancti JUNIANI redigantur. Terram vero illam quae est juxta aecclesiam de Cloci-
l.9-aco in qua domus est monachorum, omnino dimisimus. De alia vero terra quȩ hominis belli clausum vocatur, ita disposuimus, ut si a die quo hȩc facta est conve-
l.10-niencia usque ad sancti Ylarii festivitatem, auctorem qui eam nobis patrocinaret sicut de decima ita et de ac terra concessimus ut post mortem nostram ad ecclesiam redeat.
l.11 Similiter autem decretum est de illa terra quae est prope domum Viviani belli oculi in qua est domus nostra. Quod si forte evenerit ut pro Christi amore saeculum relinquere
l.12 et sacrosanctun ordinem beati Benedicti adsumere nobis placuerit, non ad aliam aecclesiam quam ad sancti JUNIANI ambulemus. Finitis hoc modo omnibus quȩrelis
l.13 nostris. Et ut hoc ratum et firmum maneat, coram testibus legitimis quorum in hac carta nomina scripta sunt adfirmatum est.
l.14 S. Aimerici de Sivriaco. S. Petroni fratri ejus. S. Willelmi de Mairiaco. S. Airaldi fratri ejus. S. Bernardi de Vociaco. S. Guillelmi fratris ejus. S. Aimerici Gontranni. S. Aleardi de Capella. S. Aucheri prepositi.
l.15 S. Berneri de Culniaco. S. Petroni Legeri. S. Froteri Belet. Facta est autem conveniencia ista mense Augusto, anno millesimo octogesimo IIIIo,
l.16 regnante Philippo rege.