Le prêtre Geoffroi reconnaît que l'abbé Bertrand et les moines de Nouaillé lui ont cédé, pour sa vie seulement, le moulin de Thorus, moyennant qu'il le reconstruise.

l.1 Notum sit omnibus sancte Dei ȩcclesiae fidelibus presentibus videlicet atque futuris, quod ante hos dies ego Gaufredus sacerdos adii
l.2 venerabilis viri domni Bertramni abbatis monasterii sancti JUNIANI pietatem poscens ut daretur mihi molendinum de Torua, quod est situm
l.3 prope villam quȩ Joarenna vocatur, ad reȩdificandum quod quidem ita factum est. Namque tali modo a prefato abbate ceterisque fratribus loci illius
l.4 concessum est mihi, ut medietatem annone quam in villam supradictam ab aliis abbatibus habueram, Deo sanctoque confessori ejus JUNIANO dimitterem; insuper
l.5 et post mortem meam ipsum molendinum cum omnibus quȩ a parvitate mea constructa ibi esse viderentur, ad eandem ȩcclesiam reverterentur. Namque
l.6 nolo ut quis parentum meorum aliquid ibi vindicare sibi presumat, metuens illut quod per psalmistam dicitur: Omnis qui dixerit hereditate posside-
l.7-amus sanctuarium Dei, Deus meus, pone illos ut rotam et sicut stipulam ante [faciem] venti. Et ideo si qua persona surrexerit cartam istam infringere
l.8 volens, iram Dei omnipotentis incurrat, insuper centum auri libras componat. Facta est autem conveniencia hȩc in capitulo coram fratribus
l.9 mense febroario, anno ab incarnatione Domini millesimo octogesimo tertio, regnante Philippo rege et duce Gaufredo
l.10 Aquitaniam regente. Et ut haec hoc firmum permaneret adque immobile, manu propria firmavi. S. G. sacerdos.
l.11 S. Goscelini Nivonis. S. Maingodi Gundoni. S. Petri judicis.