Contrat de mariage entre Albéric et Audeburge, contenant les dons que les deux époux se font mutuellement.

l.1 LECTIS UTRIUSQUE LEGIS PRECEPTIS SATIS EST, MANIFESTUM, QUIA OMNIUM CREATORI RERUM MULTUM PLACET PACTIO NUPCIARUM. NAM QUONIAM NON
l.2 per se formare, sed ex viri latere trahere feminam summus operator voluit, unumquemque virum non communes habere, sed propriam feminam sibi maritare
l.3 debere obstendit. Ad hoc, ipse idem dominus non solum sua presentia verum etiam suorum primiciis miraculorum, se precante sua genetrice, nupcias illustrare voluit.
l.4 Quapropter ego ALBERICUS, dulcissima AUDEBURGIS, in omnipotentis Dei nomine, te michi conjungo uxorem, donoque tibi dotem, scilicet domum unam
l.5 in burgo sancti Hylarii, quȩ est sita in terra sancti Michaelis, et reddet censum quatuor denarios in festivitate omnium sanctorum cui lex est; et dimidium furnum in burgo veteri,
l.6 et reddit denarium unum de censu cui lex est in omnium sanctorum; et unam mansionem et treliam unam in burgo veteri, et reddit tres denarios de censu cui lex est in omnium
l.7 sanctorum, et tria jugera pratorum apud Mazaieum, et reddunt duodecim denarios de censu cui lex est in omnium sanctorum; et tria opera vinearum in terra sancti Hylarii in magno
l.8 campo, et reddit tres denarios de censu cui lex est, in omnium sanctorum.
l.9 Et ipsa AUDEBURGIS uxor mea donat michi in dotem apud Calvigniacum VI jugera vinearum, in terra Ainardi de Lavatorio, et in ipso castello Calvigniaci domum unam
l.10 in terra sancti Cipriani, et reddet censum V denarios cui lex est, et omnia quȩ sibi accidunt de fraternitate sua; et donat michi IIII jugera vinearum in vallibus et dimidium
l.11 in terra sancti Benedicti, et reddunt de censu XVIII denarios; et molendinum unum apud Parigniacum, quem habebat cum monachis sancti Benedicti, et reddit censum XII denarios;
l.12 et ad Saevram tria jugera vinearum et dimidium, in terra sanctȩ Trinitatis, et reddunt de censu XIIII denarios; et apud sanctum HYLARIUM de Cella unam mansionem quȩ reddit
l.13 de censu II denarios, et domum Alberti Amarziti quȩ est sita juxta murum civitatis ad Barram, et reddit de censu II den., et unam medaliam sancto Cipriano; et ortum unum prope pontum
l.14 sancti Cipriani, et reddit censum IIII denariorum cui lex est; et unam mansionem in burgo sancti Cipriani juxta colliam et reddit censum II denariorum et obolum; et sex jugera arabilis terrȩ in campo
l.15 sancti Benedicti, quȩ reddunt de censu II solidos sancto Benedicto; et totam aliam arabilem terram, quam ipsa habebat. Hȩc dona concederunt michi possidere in vita mea Johannes Amarziti, et Petrus filius Arberti
l.16 et Jordanis frater ejus, et si haberem filios vel filias de matre eorum, ut participarentur filii mei vel filiȩ cum Petro et Jordane filiorum Alberti Amarziti de rebus eorum, et illi cum filiis meis de rebus
l.17 meis. Quicumque vero harum rerum nobis calumpniam fecerit, iram ipsius nupciarum auctoris gratiam amittat, centumque auri libras judice cogente persolvat, et quod petit non vindicet. Hanc ergo dotem suis
l.18 manibus ore quoque profitentes firmaverunt quorum nomina subscripta sunt: S. Johannis Amarziti. S. Petri filii Alberti Amarziti. S. Jordanis fratris sui. S. Hugonis prepositi. S. Odonis fratris sui.
l.19 S. Giraudi de Lavatorio. S. Laoni nepoti sui. S. Guillelmi Bothe. S. Giraudi filii sui. S. Isemberti Geldoini. S. Laoni Otgerii. S. Samuelis Gasconi. S. Guillelmi Engelberti.
l.20 S. Gauterii Corloanarii. S. Johannis Ferroni. S. Aimonis Rufi. S. Hucberti Berengerii. S. Heliȩ Puelli. S. Viviani Tortelli. S. Gofredi. [monogramme].
l.21 Anno ab incarnatione Domini mille LXXXIII, II NONAS FEBRUARII, hȩc carta facta et firmata fuit, regnante Phylipo rege Francorum et Goffredo duce Aquitanorum et Isemberto episcopo Pictavorum.