Guillaume Robert donne au nouveau monastère de Poitiers sa terre de Moulière ainsi que les vignes et arbres fruitiers qui y croissent.

l.1 IN NOMINE SANCTȩ et individuȩ Trinitatis. Notum fieri volo cunctis fidelibus, presentibus et futuris, quia
l.2 ego Wilelmus Rotbertus, Dei misericordiam cupiens adipisci, pro salute animȩ meae omniumque parentum meorum vivorum
l.3 atque mortuorum, beatȩ Mariae semper virgini sanctoque JOHANNI Evangelistȩ novi monasterii, dono terram perpetuo
l.4 possidendam, quam habeo apud Molerias, et vineas, atque arbores fructiferas, quas ego scilicet
l.5 donare possum absque calumpnia, annuente et consentiente Gaufredo duce, qui ipsum monasterium
l.6 construere fecit. Nullus igitur mendax calumpniator aliqua unquam tempore hanc meam spontaneam donationem
l.7 quolibet modo presumat violare, quam in tantum firmam fieri volui quod propria manu firmavi, et firmandam
l.8 optimis viris tradidi, quorum nomina sunt inferius scripta.
l.9 S. GAUFREDI ducis. S. ipsius Wilelmi, qui hanc donationem fecit. S. Gaufredi Mazonis, nepotis
l.10 sui. S. Hugonis prepositi. S. Oddonis, fratris ejus. S. Walterii Cordobarii. S. Calonis. S. Willelmi Bastardi.
l.11 S. Beraldi de Duno. S. Poncii monachi, ejusdem monasterii aedificatoris [croix].