Maingaud Mesculensis et ses frères Guillaume et Constantin ainsi que Robert de Gritia donnent un moulin sur l'Ausance.

l.1 QUI SUPERNAE hereditatis cupiunt fieri cives, dum vacat et in hoc mortali corpore humana perfruuntur luce, necesse est illis
l.2 quo taliter se agant, ne forte imputetur illis quod bona presentis seculi totum ad delectamentum carnis expendant, sed magis sibi amicos de mamona iniquita-
l.3-tis efficiant, ut libere de ipsis pauperes Christi decantare valeant; dispersit dedit pauperibus justicia ejus manet in aeternum. Igitur ego in Dei nomine
l.4 Maingaudus Mesculensis et fratres mei Willelmus et Constantinus, et Rotbertus de Gritia, concedente Adelelmo vitrario, et suis
l.5 fratribus scilicet Rotberto, atque Petro, et nepote Petro, atque matre Petri nomine Johanna, tractantes de Dei timore et aeterna retributione, metuentes
l.6 peccatis nostris debitam poenam, cupientes habere cum justis partem aliquam pro remissione omnium peccatorum nostrorum, et pro redemptione animarum nostrorum
l.7 parentum, concedimus monachis Sanctae Mariae et Sancti Cypriani martiris, molinum in flumine Ausantiae situm, ad festivitatem omnium sanctorum, censu reddentem
l.8 II solidorum, et aquam, et prata, et terram quam illic habemus, eo pacto ut dum Adelelmus, et fratres vivi erunt, habeant, et post mortem eorum monachi omnino
l.9 pertineant, et postquam Rotbertus Gritiensis obierit, sicut fratrem monachi illum sepeliant. Obsecramus autem et obtestamur omnes nostros successores
l.10 per dominum nostrum Jhesum Christum et per terribilem ejus adventum, ut nullus sit qui hoc nostrȩ oblationis munus invadere presumat. Qui autem invadere presumserit pereat
l.11 sicut Judas qui dominum tradidit, et conponat centum libras auri primi, et quod invaserit restituat.
l.12 S. Maingaudi et fratrum suorum Willelmi, et Constantini qui concesserunt. S. Rotberti de Gritia. S. Adelelmi vitrarii et fratrum suorum.
l.13 Petroni et Rotberti. S. Petroni nepotis eorum et matris ejus Johannȩ. S. Alboini juvenis nepotis Rotberti et fratris ejus. S. Ademari
l.14 vicarii, et Widoni de Gritia, et Isemberti de Anseiaco, et Willelmi prepositi, et Rainaldi villani, et Stabuli qui omnes audierunt Alboinum concessionem facientem in capitulum sancti Cipriani.
l.15 Regnante Philippo rege.