Le chapitre de Saint-Hilaire de Poitiers concède à ses chanoines réguliers l'église Saint-Laurent de Longrets en Bourgogne.

l.1 IN NOMINE SANCTȨ ET INDIVIDUȨ TRINITATIS. CANONICI BEATI HYLARII
l.2 omnibus sanctȩ matris ȩcclesiȩ alumpnis tam presentibus quam futuris volumus manifestari, quia quidam fratres religiosius et communiter vivere volentes ad nos venerunt, nosque deprecati fuerunt, ut eis in Burgun-
l.3-dia videlicet in curte quȩ dicitur Longum Rete, ȩcclesiam sancti Laurentii cum prebendis, id est cum viginti quinque massiis ipsi ȩcclesiȩ pertinentibus concederemus, ut ibi servitio Dei et sancti Laurentii ad honorem
l.4 beati Hylarii, et ad salutem animarum eorum, et omnium Dei fidelium liberius vacare valerent. Quorum preces benigne suscipientes, maxime ut honor Dei et beati Hylarii servitio eorum amplificetur, solumpmodo ȩcclesiam
l.5 sancti Laurentii cum prȩbendis id est cum viginti quinque massiis ipsi ȩcclesiȩ pertinentibus hoc modo eis concessimus, ut ipsam ȩcclesiam ordinando, et edificando, et supradictas ipsius ȩcclesiȩ res extruendo, et colendo, omnibus modis pro posse eorum
l.6 admeliorare procurent, ita ut numerus canonicorum tantum augeatur quantum possibilitas ipsius loci ferre potuerit. Dicimus autem ut priorem constituant et habeant, et eo constituto sine proprio vivant, ita ut unusquisque prior postquam ab
l.7 eis electus fuerit sui prioratus auctoritatem et donum in capitulo Beati Hylarii a decano consedentibus et consentientibus aliis prioribus et canonicis Beati Hylarii accipiat: ita ut in Christo sit obediens canonicis Beati Hylarii,
l.8 et fidelis rebus illorum, et ut semper in unoquoque anno in qualibet festivitate trium festivitatum beati Hylarii Pictavim veniat, et si aliqua controversia inter ipsum et canonicos Beati Hylarii exorta fuerit, ibi finiatur,
l.9 et habeat prior et unusquisque suus canonicus chorum et capitulum quandiu apud Pictavim manserit. Si autem prior aliqua necessaria causa prohibente venire non poterit, duos vel unum de suis melioribus canonicis mittat, qui ejus
l.10 vicem adimpleat. Si vero canonicus vel canonici Beati Hylarii hoc preceptum infringere voluerint, aut si prior vel canonici ipsius loci rebelles contra hoc preceptum extiterint, vel communiter, et sine proprio ut superius diximus,
l.11 vivere noluerint, vel si quelibet alia persona contra hoc preceptum calumpniando insurrexerit, iram Dei omnipotentis et beatȩ Mariȩ semper virginis et sancti Hylarii et sancti Laurentii et omnium sanctorum incurrat, et a
l.12 corpore et sanguine Domini separatus anathemati et maledictioni omnium episcoporum, clericorum et laicorum hoc preceptum firmantium et quorum nomina subscripta sunt subjaceat. Dedimus etiam communi
l.13 asensu omnium ipsis et eorum subcessoribus unam in ȩcclesia Beati Hylarii prebendam ut integre habeant semper quamdiu ut supradictum est, sine proprio vixerint. S. Isemberti Pictavensis episcopi. S. Guillelmi
l.14 Aquitanorum ducis.
l.15 Acta sunt hȩc anno ab incarnatione Domini millesimo octogesimo, regnante rege Francorum Philipo, principante Aquitanorum duce Guillelmo. S. Goscelini Burdegalensium
l.16 archiepiscopi, sancti Hylarii ejusdem ȩcclesiȩ thesaurarii. S. Guillelmi decani. S. Otgisii cantoris. S. Guillelmi subdecani. S. Viviani subcantori. Nomina ejusdem ȩcclesiȩ canonicorum:
l.17 Hugonis de Coec, Raginaldi Letardi, Rotberti ejusdem curtis prepositi, Ramnulfi, Girardi, Arberti, Hutberti de Cainone, Arnaldi. XPS VINCIT. XPS REGNAT. XPS IMPERAT.