Robert de Griscia et son frère Adhémar de Visello abandonnent à sainte Radegonde toutes les dîmes et terres que Gilbert Graugia ou son père Geoffroi Graugia ont pu avoir et donnent leur assentiment aux donations de Gilbert Graugia.

l.1 Quoniam sancti evangelii pagina, propria non largientibus cominatur, credimus quia qui aliena rapiunt, graviter punientur. Et quoniam peccatum
l.2 aest malum pro malo reddere, pejus dijudicamus Deo famulantibus gratis calumniam irrogare. Sed si vidue Deus et pupilli lacrimas
l.3 non despicit, multo magis sue sponsse ecclesie scilicet gemitus non contempnit. Quapropter ego Rotbertus de Griscia, unacum
l.4 fratre meo Ademaro de Visello terribilem comminantis mihi reservate et ego retribuam timentes sentenciam, omnibus Dei et ecclesie filiis
l.5 notum fieri cupimus, tam presentibus quam futuris, quod divino timore compulsi, quecumque hactenus aut juste aut injuste sive in casa-
l.6-mentis sive proprium habemus calumniabamur, seu sint decimationes, seu terre quas Gislebertus Graugia aut pater ejus, Gaufridus scilicet
l.7 Graugia, aut sibi habuerunt, aut alii, pro ipsis, seu quodlibet aliud ad beate Radegundis pertinens ecclesiam, Deo et beate Radegundi
l.8 et in ejus ecclesia Deo deservientibus canonicis damus et dimittimus, assencientes etiam concessioni quam fecit Gislebertus Graugia, rogantes predicte
l.9 sancte canonicos, quatinus ex his dimissis fedum Aimerici, cognomine Aciduli, capitanei ejusdem ecclesie, aliunde pertinentis ad nos quam-
l.10-diu vixerimus nobis dent, et post mortem nostram ecclesie jamdicte ut cetera dimittimus. Hanc quoque nostram sanctionem firmam ut teneant
l.11 futuros Dei ecclesie filios rogamus quam, ut firmius sit quod facimus, principibus et aliis legalibus viris quibusdam, ut firment damus, quibusdam adfirmandum
l.12 dari precipimus quorum nomina subscripta leguntur. Nomen Cadelonis vicecomitis Oenacensis et Willelmi, quibus presentibus data est cartula
l.13 hec. Nomen Ademari vicarii. Nomen Odonis archidiaconi. Nomen Acfredi Buarde. Nomen Aimerici cognomine Aciduli capitanei.
l.14 Data est hec kalendis septembris, anno ab incarnatione Domini MILLESIMO OCTOGESIMO, indictione tercia, GREGORIO in apostolica romana sede presidente papa,
l.15 Francorum rege Philipo, Pictavorum pontifice ISEMBERTO, Aquitanorum duce Willelmo.