Le duc Geoffroi et son fils Guillaume défendent aux chanoines de Saint-Hilaire [de Poitiers] de recevoir aucun fils de prêtre, de diacre, de sous-diacre, de clerc, ni aucun bâtard et fixe le nombre des chanoines à soixante.

l.1 GOFFREDUS DEI GRATIA DUX AQUITANORUM ET GUILLELMUS FILIUS EJUS, UNIVERSIS CANONICIS ȨCCLESIȨ GLORIOSISSIMI CONFESSORIS HYLARII TAM FUTURIS QUAM PRESENTIBUS IMMO
l.2 et universis in ducatu Aquitaniȩ tam victuris quam modo viventibus. Salvator noster ampliori caritate matrem nostram sanctam ȩcclesiam diligere non potuit, quam cum propter eam
l.3 redimendam, sanctificandam, conservandam, sese usque in servi formam exinanivit, et deinceps usque ad mortem crucis sicut bonus pastor animam suam tradidit. Hanc profecto ut pulchram,
l.4 ut decoram, ut sine macula et ruga sibimet consociaret in propriam, et prius lacte prophetico aluit, et postea evangelico pane inpingavit; deinde per religiosos principes jam frequenter
l.5 decrevit, et adhuc potenter decernit, ne quod ignominiam pariat, illi unquam adhereat, et ut adsit habundanter quod ejus ad speciem pulchritudinemque pertineat. Quapropter nos, ego videlicet
l.6 GOFFREDUS gratia Dei Aquitanorum dux et abbas quantum laico licet ȩcclesie beatissimi patroni nostri HYLARII, filiusque meus karissimus GUILLELMUS, ex peticione canonicorum ȩcclesiȩ prefatȩ
l.7 et precipue domni GOSCELINI, venerabilis Burdegalensium archiepiscopi et ejusdem ȩcclesiȩ thesaurarii, necnon assensu et conlaudatione domni ISEMBERTI Pictavensium pontificis, pariterque
l.8 procerum nostri palacii decernendo confirmamus, et confirmando decernimus, ut ab hac die in perpetuum nullus cujuslibet presbiteri filius, vel diaconi, vel subdiaconi, aut alicujus clerici,
l.9 nullus quoque spurius, id est, qui non est de legitimo matrimonio natus, fiat unquam in ȩcclesia supradicta quolibet modo canonicus. Si autem aliquis ex istis, scilicet ex clericorum
l.10 filiis vel cȩteris spuriis, antequam decretum domini papȩ GREGORII septimi, quod de illis promulgatum est in concilio Pictavensi a domno HUGONE Diensium episcopo et sedis apostolicȩ legato,
l.11 esset recitatum, factus est in illa canonicus, sicut ille ubique permisit, ut ita permaneat permittimus; sed tamen ut nullo modo ibi ad quodlibet ministerium amplius promoveantur,
l.12 indissolubiliter sanctiendo statuimus, et statuendo sanctimus. Usque adeo etiam per universa tempora succedentia decretum istud auctoritatis nostrȩ, immo apostolicȩ, ratum
l.13 esse duximus, et illibatum fore volumus, quod illud scribi fecimus, scriptumque manibus propriis confirmavimus, confirmatum autem sigillo nostro consignavimus, consignatum quoque
l.14 personis suppositis ad constipulandum tradidimus. Addimus quoque presenti decreto aliud quod in predecessorum nostrorum privilegiis statutum esse invenimus, ut ab hac die et deinceps
l.15 supra sexaginta canonicos nullus in canonicum constituatur, neque donum, neque investitura, neque particio cuilibet detur, donec aliquis de numero sexaginta moriatur, exceptis illis quos supra sexaginta
l.16 positos esse modo invenimus, quos in canonicos constituendos esse suis temporibus concedimus. Hȩc sunt nomina canonicorum: S. Otgisii cantoris.
l.17 S. Guillelmi nepotis archiepiscopi. S. Hugonis de Coech. S. Leodegarii. S. Guillelmi subdecani. S. Rainaldi Letardi. S. Ramnulphi capicerii
l.18 S. Rainaldi Girberti. S. Arnaldi. S. Petri Garnerii. S. Mathei. S. Girardi de Clois. S. Rotberti Engelbaldi. S. Leonii.
l.19 S. Arberti de Foro. S. Guillelmi fratris sui. S. Constantini Bonioth.
l.20 S. Girardi dapiferi. S. Aleelmi. S. Bartholomei de Vicveona.
l.21 S. Stephani Sicci.
l.22 S. Goffredi Aquitanorum ducis [croix]. S. Guillelmi [croix] filii ejus. S. Goscelini Burdegalensis archiepiscopi et thesaurarii [croix] Sancti Hylarii. S. Isemberti [croix] Pictavensis episcopi. S. Amati [croix]
l.23 apostolicȩ sedis vicarii. S. Rainaldi thesaurarii Sancti Martini. S. Simonis prioris Sancti Nicolai. S. Guidonis abbatis Novi Monasterii. S. Aemari abbatis Sancti Marcialis.
l.24 S. Odonis abbatis Sancti Johannis. S. Gervasii abbatis Savini. S. Bertramni abbati Sancti Juniani. Hȩc sunt nomina laicorum: S. Hugonis Surgeriarum. S. Borrelli de Monste-
l.25-riolo. S. Hugonis prepositi. S. Maingodi de Mella. S. Petri filii Acfredi. S. Hugonis de Lezigniaco. S. Gauterii Corloanarii. Hujus autem privilegii scienter violatores omnesque
l.26 eis consentientes ex prece predicti principis et filii ejus Guillelmi, et supplicatione canonicorum prefatȩ ȩcclesiȩ, ego Goscelinus Burdegale archiepiscopus, et Isembertus Pictavis presul, et Amatus sedis apostolicȩ vicarius,
l.27 excommunicamus atque maledicimus, nisi resipuerint et ad emendationem quam citius venerint.