Geoffroi, fils de Hugues de Saint-Maixent, venu à Nouaillé, donne à l'abbaye l'église de Saint-Gaudent, près de Fouras.

l.1 IN DEI NOMINE ego Gauzfridus filius Hugonis de sancto Maxentio, cum propter enormitatem scelerum meorum imploraturus pro eisdem gratiam Domini per sanctorum suffragia veneranda quadam die Nobiliaco monasterio venissem, ubi sanctus Domini confessor
l.2 JUNIANUS quiescit humatus, inspectis sanctis et Deo dignis omnique seculo extollendis nuper inibi intra sacrarium ipsius sanctae repertis reliquiis ecclesiae, divina miseratione conditoris et desiderio gloriae sanctorum tactus tractare intra me coepi, qualiter sanctissi-
l.3-mo jamdicto JUNIANO sanctisque sanctorum reliquiis placere valerem, quo gratiosius communis contra me suo precatu iram refragarent judicis, et cunctis necessariam implorarent misericordiam conditoris; dum haec mecum volverem, et ipse de hac re interpellatus
l.4 sum ab abbate et a monachis, ut quia Dominus dominum me largi fundii fecerat, aliquid prediorum vel ecclesiarum sanctissimo huic coenobio et monachis inibi Deo et sanctis servientibus reliquiis conferre deberem. Unde capto cum amicis consilio. Deum sanctumque
l.5 JUNIANUM heredem alicujus partis meȩ hereditatis fieri statui, quatinus michi partem idem Dominus Christus preclarȩ hereditatis tribuere dignetur in cȩlestis sedibus. Dono igitur sanctissimo jam nominato JUNIANO et monachis sibi Deoque servientibus pro remedio
l.6 animarum genitorum meorum, et meae, simulque conjugis et filiorum, quandam ecclesiam in Sanctonico, in pago Alniso quam habeo de comite Pictavensi, annuente ipso Domino meo, prope mare, sitam foris castrum quod vocatur Colrasum, in honore Domini et sancti
l.7 martyris atque episcopi Gaudencii constructam, cum rebus sancto altari pertinentibus, hoc est terram laboris XVII sextarios V quarterios vinearum, dimidium molendinum, in mare piscatorias unam ad pontem Natalis et de hac quartam partem, alteram in mare,
l.8 et hanc integram, boscum ad opus eorum sufficiens viridiaria et ortos in circuitu ecclesiae cum mansionibus, reditus vero omnis ecclesiae ut sanctorum precipit auctoritas ipsa habeat ecclesia, excepto decima quam aliqui de me noscuntur habere; has res nomina-
l.9-tas cum additamentis non notatis integras absque ulla calumpnia in jure transfundo Nobiliacensis cȩnobii lege perpetua ut habeat sanctus Junianus, teneat, possideantque sibi servientes annuente uxore mea Oxile et filiis Hugone
l.10 cum auctoritate Sanctonici presulis Bosonis et ceterorum fidelium Christianorum maximeque mihi domesticorum, qualiter peccatorum consequi valeam a pio Domino veniam, pacisque presentis et future fruar gratia. Quod si bonorum virorum magnitudo aliquid adaugere illis voluerit,
l.11 habeant potestatem largiendi sive cultum sit vel incultum, salsum vel insulsum, totum ab hodie quesitum et adquirendum ipsi monachi habeant et possideant absque mea meorumque vel dominorum vel extraneorum contradictione. Quod si aliquis vel propinquus vel
l.12 extraneus huic helemosine obvius ire perrexerit, aliquid contradicere volens, iram omnipotentis patris incurrat, similique quo Pharao, Datan et Abiron, vel Judas Domini proditor poena puniatur, nec effectum habeat, sed convictus judicum judicio, reus
l.13 legis efficiatur, persolvat vero principi C libras auri. Ut autem carta haec rata et inconvulsa permaneat, ducis et comitis Pictavensis domini mei GAUZFRIDI auctoritate roborata et manufirmata, simul Isenberto pontifici Pictavensis eam firmare
l.14 rogavimus, venerando viro Bosoni presuli Sanctonici ostensa, manu illius roborata est. Nostris vero tam manibus quam auctoritate firmata, conjugi simul et filiis ita facere precepi, a quibus libenti animo corroborata est, similiter manibus
l.15 amicorum et hominum meorum tradita adstipulatione eorum roborata est. Actum hoc anno ab incarnatione Domini millesimo LXXIIII indictione XII apud Nobiliacum monasterium, XVI kalendas novembris, ante altare sancti Hylarii,
l.16 regnante Philippo rege. Signum GAUZFRIDI, comitis. Signum Bosonis, episcopi Sanctonici. Signum Isenberti, episcopi Pictavensis. Signum Gauzfridi qui hoc fieri precepit.
l.17 S. Oxile uxoris suae. S. Papiae matris Gauzfridi. S. Hugonis filii. [croix] [croix] [croix].