l.1 MUNDI TERMINUM adpropinquante ruinis crebescentibus, jam certa signa manifestantur. Dum in hoc seculo unusquisque homo proprio vacat arbitrio, oportet ei ut de rebus sibi adquisitis taliter agere valeat,
l.2 qualiter in futuro aeternae vitae mercatur percipere. Quapropter ego in Dei nomine ROTHBERTUS vir nobilis, tractavi de Dei timore et aeterna retributione qualiter justis premia, et injustis supplicia sunt
l.3 repromissa, illis tamen maxime qui aeternam vitam de propriis emunt praediis, et corde tenus mihi pius Dominus in ultima die magni judicii veniam tribuere dignetur. Idcirco alodem meum indominicatum qui est situs in pago Pictavo in loco
l.4 qui dicitur Dugeiaco, et est infra castello Calviniaco tres miliarios. Et est circumcinctus ipse alodus de uno fronte terra arabile de ejusdem alodo et alodo Athoni, et de uno latus alodus Dagbranni filio Launoni et via vetera,
l.5 et de alio fronte vel latus terra de ipso alodo. Sic est circumcinctus et divisus per bodinas fixas et loca designata. Hanc rem nominatam trado, dono in elemosina et in oblacione perpetua, una pro remedium anime meae
l.6 seu pro genitore meo vel genetrice mea hac fratribus mei Ingelrandi videlicet et Launoni necnon et Guigoni atque Ysemberti ad coenobium sanctae Dei genetricis Mariae, cujus vocabulum est Nobiliacus, qui est constructus in honore
l.7 beati Hylarii et sancti Juniani confessoribus Christi ubi preesse dinoscitur Custantinus abba, sub cujus regimine monachi Deo servire student. Illud aetiam mihi et frater meo Gozffredo placuit nobis inserere, ut si aliqua
l.8 intromissa persona fuerit qui contra hanc donationem que per hanc cessionis epistolam de mea potestate trado in vestram dominatione ad habendum nemine contradicente, et ullam calumniam promovere voluerit, si non se correxerit
l.9 aut a sua mala voluntate non declinaverit, in primis iram Dei omnipotentis incurrat et sanctae semper virginis Mariae necnon et beatorum confessorum Hylarii atque almi domni nostri Juniani seu omnium sanctorum et a consorcio eorum
l.10 sit segregatus et in penalibus flammis gehenne ignis diu cruciatus permaneat; tantum autem solidos ducentos de auro componat, et quod petit minime vindicet. Hȩc autem cessio epistolam, Deo auxiliante, omni tempore inconvulsa
l.11 valeat perdurare cum stipulatione subnixa, manibus propriis subter firmavimus, et post nos nobilium virorum ad corroborandum tradidimus.
l.12 SIGNUM ROTHBERTI qui hanc donationem fecit. S. Gozffredi fratri suo. S.
l.13 DATA IN MENSE FEBROARIO REGNANTE ROTBERTO REGE, [signum] GUARNALDUS SCRIPSIT.

1