Richer, évêque de Verdun, restitue à l'abbaye de Saint-Mihiel l'église verdunoise de Saint-Pierre-Le Chéri, enlevée à l'abbaye par le comte Louis, son avoué.

l.1 [chrisme] IN NOMINE SANCTȨ TRINITATIS ET INDIVIDUȨ UNITATIS. Cujus moderamine omnis fidelium devotio dirigitur, opus bonȩ voluntatis nostrȩ quod cepimus confirmetur.
l.2 Aecclesiarum pastores qui cȩlesti dispositione ovibus sibi commissis alimenta spiritalia provident, etiam pie patrocinando contra secularium
l.3 potestatum incursus defendere debent. Quod ego Richerus, Dei gratia, licet peccator VIRDUNENSIS episcopus, pro posse meo facere studui, quando capellam
l.4 in hoc Virdunensi suburbio, in honore beati PETRI apostolorum principis consecratam cenobio Sancti MICHAELIS restitui. Eam quippe tempore longo LODVICUS
l.5 comes, videlicet ejusdem cenobii advocatus, fratribus diripuerat et propriam licenter exercens potestatem, suis quibus sibi placuit militibus feodum distraxerat.
l.6 Insuper etiam nos, ejusdem cenobii congregationem in honorem Dei fovere cupientes, placuit nobis ut eis de nostro misericorditer aliquid largiremur, quatinus et erga
l.7 benivolentiam nostram devotiores existerent, et pro fratrum nostrorum salute ac totius ȩcclesiȩ statu Domino instantius supplicarent. Igitur, accepto fratrum ȩcclesiȩ
l.8 nostrȩ communi consilio, altare ejusdem capellȩ cum omnibus oblationibus, elemosinis, luminaribus, sepulturis et ceteris redditibus per omnem integritatem jure perpetuo dedimus,
l.9 concessimus, laudavimus, ea conditione ut sacerdotem abbas pro voluntate sua, consilio fratrum, sine pretio, sine symonia, episcopo et archidiacono representet, qui Deo et beato Petro
l.10 in eadem capella famuletur, et circa curam animarum quam ab eis susceperit sollicitus habeatur. Ut igitur quod disposuimus inconvulsum permaneat, auctoritatis nostrȩ sigillum
l.11 confirmat et tam ȩcclesia nostra cum tota sinodo quam ego, dissolventes quod confirmando laudavimus et laudando confirmavimus, excommunicat et anathematizat. Nos etiam
l.12 quod ordinavimus testimonio subscriptorum corroboramus, scilicet domni Odelrici tunc ejusdem cenobii abbatis, domni Ruodulfi abbatis, domni Lanzonis abbatis, domni
l.13 Rotfridi abbatis, Teoderici primicerii, Richeri decani et archidiaconi, Acelini cantoris, Gerardi scolastici, Geroldi cancellarii, Gerardi junioris,
l.14 Petri decani, Gonteri decani, Albrici presbiteri, Alberti monachi et prioris ejusdem loci, item Alberti, Dudonis, Arnulfi, Lanzonis; laicorum Alberti de Briei,
l.15 Petri de Mirouvalt, Rainardi; casatorum Sancti Michaelis Rainaldi, Tebaldi, Infridi, Widrici, Erlebaldi, Anseri.
l.16 Ego Folchardus sub vice domni Geroldi cancellarii recognovi. Actum publice Virduni in majori ȩcclesia Sanctȩ MARIȨ, anno ab incarnatione Domini
l.17 millesimo XCoVIIIo, indictione VII, sub die XIIIo kalendas novembris, anno episcopatus domni Richeri Xo, ordinationis vero IIIIo. [sceau].