Cadalo, vicomte d'Aulnay, et Hersende, son épouse, donnent à l'abbaye de Nouaillé un alleu situé à Montvinard, dans le pagus de Poitiers.

l.1 Dum in hoc seculo hunusquisque homo proprio vacat arbitrio, oportet ei ut de rebus sibi atquisitis taliter agere valeat, qualiter in futuro aeterne vite mereatur percipere. Quapropter igitur ego, in Dei nomine, Kadelus, vicecomes,
l.2 et ucxor mea Aersendis, tractavimus de Dei timore et aeterna retributione, ut nobis pius Dominus in ultima die magni judicii veniam tribuere dignetur. Idcirco ut alodem meum indominicatum, qui est situs in pago Pictavo, in villa que vocatur
l.3 Monte Vinardo, mangsnilis, vineis, terris, silvis, et est sic circumcinctus de uno fronte et uno latere, terra sancti Petri et terra sancti Juniani, tercia parte, terra Hecfredis vicecomitis, quarto fronte, terra sancti Pauli apostoli.
l.4 Istum alodem superius nominatum tradimus, donamus et de nostra potestate ad locum Nobiliacum sub presentia domni Fulconi abbatis sub cujus regimine monachorum die noctuque Deo servire student. Tali tenore in elemosina, et in obla-
l.5-tione perpetua pro remedium animarum nostrarum, ad coenobium Nobiliacum monasterium qui est constructus in honore sancte Dei genitricis semperque virginis Mariaae et beatissimi domni nostri hac sanctissimi Hylarii et sancti Juniani confessore Christi
l.6 da[mus et] de nostra potestate in vestram tradimus dominatione, ad supra jamdictum locum et ad monachos ibidem Deo servientibus ab hac die et deinceps perpetualiter remaneat, nemine contradicente. Illud etiam placuit nobis inserere
l.7 ut si ali[qu]a intromissa persona fuerit qui contra hanc donationem ullam calumpniam promovere voluerit et si non se correxerit aut a sua mala voluntate non declinaverit, in primis iram Dei omnipotentis incurrat, et prefate illibataque
l.8 virginis Mariae, et sanctorum angelorum atque archangelorum, et sancti Petri apostolorum principis cum omnibus apostolis et cum omnibus m[artyribus necnon et ...?...]e confessorum Hylarii pontificis, et almi domni nostri Juniani, seu cum omnium sanctorum Dei, et a consortio sanctorum
l.9 omnium sit segregatus et in penalibus flammis gehenne ignis cum Dathan, Chore et Abiron, quos terra vivos deglutivit, permaneat, in exitum vero sue anime diabolus eam rapiat in infernalibus claustris cum spiritibus inmundis sine fine
l.10 jugiter cum illis perseverent in tenebris et umbroe mortis. Haec autem cessio Deo auxiliante omni tempore inconvulsa valeat perdurare, cum stipulatione subnixa. Manibus nostris propriis subter firmavimus et post nos nobilium virorum ad corroborandum
l.11 tradidimus. Signum Kadeloni vicecomitis et uxor sua Aersendis qui hanc donacionem fecerunt.
l.12 Signum Vuillelmi comitis. Signum Aimerici vicecomitis. Signum Aefridi vicecomitis. Signum Hugoni. Signum G[...?...]. Signum Akardi. Signum Ingelelmi.
l.13 Signum Belomni. Signum Kadeloni. Signum Alcherii. Signum Bernefredi. Signum Adalberti. Signum Arnaldi. Signum Ingelbaldi. Signum Symoni.
l.14 Signum Fulcaldi.
l.15 DATA IN MENSE JANUARIO, ANNO II REGNANTE REGE UGONI. Tetbaldus monachus scripsit.

1