Poitiers, AD Vienne, G 487 C 3 n° 34

<< < / > >>

Numéro1143

Fiabilité de l'actenon suspecté

Genrecharte

Date976(fiabilité :édition)

LieuPoitiers(lat :Pictavis civitate)

DiocèsePoitiers

RégionPoitou/Charentes

Supportparchemin

Chirographienon

Sceau non scellé

Etat de la traditionoriginal

AuteurEbles (ancien évêque de Limoges), doyen  de  SAINT-HILAIRE  de  POITIERS

BénéficiaireChapitre  de  SAINT-HILAIRE  de  POITIERS

Regeste

Ebles, trésorier de Saint-Hilaire de Poitiers et ancien évêque de Limoges, donne à Saint-Hilaire des maisons, deux fenils et un potager situés dans le castrum de Saint-Hilaire ou à proximité.

Fac-similé

Texte

l.1 [chrisme] OPORTET UNICUIQUE, DUM IN CORPORE VERSATUR ET PRAESENTI VITA FRUITUR PRO REDEMPTIONE ANIMȩ SUAE SOLLICITA MENTE INVIGILARE
l.2 et de praemio aeternȩ retributionis omnibus modis omnique studio recogitare. Ammonet namque nos Dominus pro talibus factis in Evangelio dicens:
l.3 Operamini dum dies est: venit hora in qua nemo poterit operari; opera videlicet significans bona, quae quisque dum vivit pro se agat, ne cum mors
l.4 venerit repentina, imparatum cum inveniat. Apostolus quoque similiter hortatur inquiens: Dum tempus habemus operemur bonum ad omnes, maxime autem
l.5 ad domesticos fidei; domesticos pro certo fidei demonstrans, eos qui assiduis obsequiis sanctis Dei inserviunt, qui et pro vivis deprecentur et pro defunctis continuis
l.6 orationum invigilent studiis. Haec ego, in Dei nomine, EBOLUS, quondam Lemovicorum episcopus basilicaeque Domni HYLARII Pictavorum egregii patroni
l.7 thesaurarius, mente considerans ut pius et misericordissimus omnipotens Deus veniam peccatis meis in Dei tremendo judicii ejusdem beati protectoris mei
l.8 HYLARII intercedentibus meritis condonare dignetur, caedo et trado ejusdem basilicȩ clericis die noctuque inibi Deo obsequentibus post obitum quandoque
l.9 nostrum domos a me justo labore meo constructas, quae sunt scilicet in castro ejusdem sancti aedificate cum appenditiis suis omnibus, similiter foras
l.10 portam castri ipsius ad arborem ulmeam fȩnile totum cum altero fȩnili. Nihilominus et de ad occidentalem partem ejusdem basilicȩ hortum
l.11 holerum nostrum dominicum relinquo. Ea scilicet ratione ut, si quis hanc donationem meam emere et possidere vivens voluerit, centum solidos
l.12 argenti clericis ejusdem loci exsolvat, et post obitum ejusdem emptoris successor illius eodem praetio a clericis ipsas domos emat cum omnibus
l.13 appenditiis suis, similiter quoque et tertius et quartus et ita in omnia futura tempora emptores sibi invicem succedentes eodem modo similiter
l.14 faciant, et singulis annis die anniversaria transitus mei solidos duos subdecano ecclesiae Sancti HYLARII reddant quos ipse praesbiteris qui pro
l.15 animȩ mȩae remedio missas in eodem coenobio decantent, tribuant clericis quoque sancti HYLARII ipsa die ad karitatem faciendam duodecim
l.16 sextaria vini impendant. Hanc autem elemosinȩ meae donationem, ut firmior et verior et inconvulsa omnibus diebus omnique tempore
l.17 permaneat, ego ipse episcopus EBOLUS, socius quoque in praesulatu mihi BENEDICTUS, sub testificatione Dei Patris omnipotentis et Filii et Spiritus Sancti
l.18 beati quoque HYLARII et omnium sanctorum Dei adjuramus et anathematizamus adjuncta excommunicatione domni Petri, quondam
l.19 Pictavensis episcopi necnon successoris ejus venerabilis Gisleberti ut deinceps nullus umquam comes neque ulla potens clericalis sive
l.20 juditiaria persona hanc donationis meae elemosinam infringere praesumat. Quod si fecerit, et in praesenti et in futuro seculo ante Deum
l.21 et sanctum ejus Hylarium omnesque sanctos nisi se recognoverit et emendaverit, aeternaliter condempnatus cum Juda proditore Anna
l.22 et Caypha dampnationem accipiat, et fratribus ejusdem loci auri libras XXXta, argenti mille coactus exsolvat.
l.23 ACTUM PICTAVIS CIVITATE, ANNO LOTHARII REGIS FRANCORUM.

Bibliographie

REDET (L.), Documents pour l'histoire de l'église de Saint-Hilaire de Poitiers, dans Mémoires de la société des antiquaires de l'ouest, 1847, p. 1-362, p. 49-50, n° 43.

Responsable

M.-J. Gasse

Comment citer cette notice

Acte n°1143 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°1143»[En ligne] http://www.cn-telma.fr/originaux/charte1143/. Date de mise à jour : 29/03/12.