Adelelme donne à l'abbaye de Nouaillé un alleu situé dans la villa Alexandrie, près de Poitiers.

l.1 Mundi terminum ruinis crebrescentibus adpropinquante, indicia certa manisfestantur et experimenta liquida declarare noscuntur et ad discutiendas torpentes infidelium mentes illa dudum in Ȩvangeliis
l.2 a Domino data oracula incumbere noscuntur; opere pretium arbitror futurorum temporum vicissitudinem preoccupans, anticipans et incertum humanȩ condicionis eventum, sagaci mentis intuitu providere, quatinus ex hoc inflictis facinorum
l.3 vulneribus indulta pietatis remedia merear adipisci. Ergo ego, in Dei nomine, Adelelmus considerans qua gravamur sarcina peccatorum, et reminiscens bonitatem Dei dicentis: Date elemosinam et omnia munda fiunt vobis.
l.4 De tanta igitur miseratione et pietate Domini confidentes, tractavi de Dei timore et aeterne retributione, seu et pro remedium anime Gerardi et Reintrudim, ut nobis pius Dominus in die ultima magni judicii aeternam veniam tribuere dignetur.
l.5 Idcirco per hanc epistolam donationis dono donatumque in perpetuum esse volo, atque de jure nostro in potestatem et dominationem monasterii Nobiliacensis in honorem sanctae Mariae vel sancti Juniani constructum, qui est situs in pago Pictavo, infra
l.6 quintam ipsius civitatis, ubi preest venerabilis Reinaldus abbas, vel turma plurima monachorum adunata, transfundimus atque inscribimus alodem meum, qui est infra quintam ipsius civitatis, in villa quae nuncupatur Alexan-
l.7-dria, et est plus minus de vinea inter dua loca juctus VI, seu et quantumcumque ad ipsum alodem aspicit vel aspicere videtur, cultum et incultum, quesitum vel adinquirendum, mobilibus et immobilibus, sicut a nobis moderno tempore
l.8 possidetur vel si in antea inibi undecumque aliquid augmentare aut meliorare potuerimus, ad prefatum monasterium in alimoniis vel substantia monachorum ibidem habitantium Christo protegente proficiat. Si quis vero, quod futurum esse n[on]
l.9 credimus, huic voluntati nostrȩ quibuslibet adinventionibus, aliquis de heredibus meis aut judicum, seu cupiditas, vel quelibet persona obvius vel repetitor extiterit, a conventu Christianorum vel liminibus ecclesiarum extraneus habeatur, et Jud[ae]
l.10 traditoris domini nostri Jhesu Christi perfruatur consortio. Insuper etiam inferat partibus ipsius monasterium vel fratrum ibidem consistentium, sociato quoque tam exactatione sacratissimo fisco, auri libras XV, argento pondere XL, et ne
l.11 sic quoque quod repetit valeat vindicare nihilominus. Presens vero donatio quae a nobis pro timore Dei et amore pauperum Christi conscripta est firma et inlibata omni tempore in Dei nomine valeat permanere. Manu mea propria subter fir-
l.12-mavi et stipulatione adnixa, et post me nobilium virorum manibus Pictaviensis publicae civitate ad roborandum tradidi. Signum Adelelmi qui hanc donationem fieri vel adfirmare rogavit.
l.13 Signum Ebolo comitis. Signum Begonis auditore. Signum Aimerico. Signum Adraldi. Signum Ingelberti frater qui fuit Reintrudim.
l.14 Signum Saverico vicecomitis. Signum Amelii. Signum Adtoni vicecomitis. Signum Berungarii. Signum Reinhardi vicarii. Signum Vuinnemanni.
l.15 Signum Aerribaldi. Signum Aerrilandi. Signum Odulrico. Signum Teotfredi. Signum Teotbaldi. Signum iterum Teotfredi. Signum
l.16 Ratberti. Signum Stephani. Signum Aiquini. Signum Warnaldi. Signum Ebboni. Signum Gualberti.
l.17 DATA IN MENSE JANUARII, ANNO XIIIImo REGNANTE KAROLO REGE. EMMO ROGITUS [SCRIPSI ET SUBSCRIPSI] [ruche].

1