Bar-le-Duc, AD Meuse, 4 H 76 n° 1

<< < / > >>

Numéro108

Fiabilité de l'actenon suspecté

Genrecharte

Date972(fiabilité :édition)

LieuSaint-Mihiel(lat :publice in atrio Sancti Michaelis)

RégionLorraine

Supportparchemin

Chirographienon

Sceau non scellé

Etat de la traditionoriginal

Hauteur à gauche520   mm

Largeur en haut320   mm

Largeur en bas325   mm

AuteurEudes, abbé  de  SAINT-MIHIEL

BénéficiaireEtienne et Gui son frère

Regeste

Eudes, abbé de Saint-Mihiel, concède à cens à Étienne et à son frère Gui sept manses et demi situés à Saint-Baussant.

Texte

l.1 [chrisme] IN DEI NOMINE, EGO ODDO, ABBAS, COGITANS DE ETERNA RETRIBUTIONE ET SUPERNA FELICITATE IN RETRIBUENDO BONIS PROSPERA,
l.2 malis vero infelicia, partem bonorum eligens ac in futuro remunerari cupiens, fulcitus orationibus Sancto Michaeli famulantium,
l.3 videns quasdam res nostrȩ proprietatis elabi simulque de die in diem adnichilari, cum consilio fratrum mihi commendatorum,
l.4 concessi quasdam ex ipsis his amicis nostris Stephano videlicet ac Vuidoni ejus fratre, scilicet mansos septem ac semis in villa Ermaris
l.5 [Curte, super fluvium Matt, in pago Scarminse, in comitatu eodem, scilicet mansos cum molendino tradidi, vestivi]
l.6 atque donavi, ut habeant, teneant atque possideant tam ipsi quam filii ac nepotes eorum, eotenus tenore ut omni anno,
l.7 kalendis mai, solidos quindecim ad armarium nostrum persolvant [aut] in festivitate sancti Remigii modios triginta vini,
l.8 et, si vinȩ in eodem predio fuerint instauratȩ, medietas earum nostro ce[dat u]sui. Ista omnia predicta statuimus,
l.9 firmavimus necne concessimus, adfocato duce senioreque nostro Friderico necne dominȩ Beatricȩ unacum filio eorum Hezelino
l.10 alioque Theoderico consentientibus, ut habeant, teneant atque possideant ipsi, ut dictum est, ac successores eorum
l.11 omni temporis evo. De xenio autem anguillas triginta [in natali sancti Andree] seu sicut evenit motus aquȩ. Jacet autem
l.12 ipsa terra contra orientem solis juxta latus predii Sanctȩ Glodesindis virginis, ex alia parte disjungitur rivulo, tercia
l.13 quoque parte jungitur terrȩ Sancti Gorgonii. Et ut hec [factio sive donatio] firmior sit, kartulam hanc fieri voluimus, ut nullus successorum
l.14 nostrorum erumpere conetur, sed omni tempore maneat inconvulsa [ac sta]bilita. Quod si aliquis temptaverit, cogitet secum ipse si sua voluerit
l.15 stabilire decreta, et sic nostra dimittere procuret inconvulsa. Onomata autem qui hec viderunt tam monachorum quam clericorum necne laicorum
l.16 subtus tenentur impressa. Signum Frideri[ci ducis et Beatricis filiorum]que. Signum Oddonis abbatis qui hanc kartulam fieri voluit.
l.17 Signum Halevinci prepositi. Signum Adraldi. Signum Volgrini. Signum Gundaldi. Signum Wihardi. Signum Oddonis. Signum Remigii. Signum Thiettheri. Signum Ansusi. Signum Alberti.
l.18 Signum Folcaldi clerici. Signum Rainardi comitis. Signum Abbrici scabinionis. Signum Harmodi. Signum Nebelonis. Signum Rainfredi. Signum Raimeri. Signum Gesionis. Signum Alberti.
l.19 Signum Bosonis. Signum Seifridi. Signum Arnulfi. Signum Hunonis. Signum Stephani [necne fratris ejus Vu]idonis, qui hoc fieri petierunt. Signum Bovonis. Signum Hadelini.
l.20 Acta publice in atrio Sancti Mi[chaelis, regnante] Ottone imperatore in regno Lotharii, Luthario in Frantia, Friderico duce,
l.21 Rainardo comite, anno nogentesimo septuagesimo secundo incarnationis Domini, indictione quinta decima.
l.22 VUALIMGUS SCRIPSIT ET SUBSCRIPSIT.
l.23 [sceau].

Bibliographie

LESORT (André), Chronique et chartes de l'abbaye de Saint-Mihiel, Paris, 1910-1912 (Mettensia, 6), p. 130-132, n° 30.

Responsable

M.-J. Gasse

Comment citer cette notice

Acte n°108 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°108»[En ligne] http://www.cn-telma.fr/originaux/charte108/. Date de mise à jour : 29/03/12.