Eudes, roi des Francs, concède Saint-Hilaire de Poitiers avec toutes ses dépendances, à l'évêque de Poitiers Egfred, à titre viager.

l.1 [chrisme] IN NOMINE DOMINI DEI AETERNI ET SALVATORIS NOSTRI JHESU CHRISTI, ODO, GRATIA DEI REX. REGALIS EXCELLENTIAE AC SUBLIMITATIS MOS EXISTIT FIDELES
l.2 regni donis ingentibus honorare sublimesque efficere ac per hoc in Dei nostraeque fidelitatis devotione promptiores esse. Quamobrem notum esse volumus omnibus regni nostri principibus ceterisque fidelibus nostrisque praesentibus scilicet
l.3 atque futuris, quoniam adeuntes nostrae serenitatis praesentiam, fideles nostri ac marchiones, dilecti Hrobertus scilicet atque Adamarus, humiliter nostram celsitudinem petierunt quatenus abbatiam in honore beatissimi Hilarii incliti confessoris Christi
l.4 dicatam, ubi situm est corpus ejus, cuidam venerabili episcopo, nomine Egfredo, dum in hac vita militandi spatium obtineret, per nostrae auctoritatis preceptum concederemus. Quorum petitionibus faventes auremque nostrae celsitudinis
l.5 accommodantes, concessimus praefato Egfredo, Pictavensis ecclesiae praesuli, jamdictam abbatiam, eo tenore ut eam tempore vitȩ suae cum omnibus ad ipsam pertinentibus rebusque inquisitis ac jure et legaliter inquirendis habeat,
l.6 teneat atque per nostrum donum dominandi licentiam optineat, nemine inquitante. Post suum vero hujus vitae excessum, ipsa jam praescripta abbatia ad id quod actenus fuisse dinoscitur redeat, absque ulla contradictione
l.7 ac deterioratione. Et ut etiam hujus nostrae auctoritatis praeceptum per succedentia annorum spatia firmius conservetur meliusque ab universis credatur, manu propria ipsum subter
l.8 signavimus atque anuli nostri impressione insigniri jussimus.
l.9 SIGNUM ODONIS [monogramme] GLORIOSISSIMI REGIS.
l.10 HERIVEUS NOTARIUS AD VICEM GUALTERII RECOGNOVIT ET SUBSCRIPSIT [ruche] [sceau].

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 9, p. 465, n° 29.

REDET (L.), Documents pour l'histoire de l'église de Saint-Hilaire de Poitiers, dans Mémoires de la société des antiquaires de l'ouest, 1847, p. 1-362, p. 16, n° 12.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 7, pl. 18 (fac-similé).

BAUTIER (Robert-Henri), Recueil des actes d'Eudes, roi de France : 888-898, Paris, Imprimerie nationale, Klincksieck, 1967, p. 190-193, n° 50.