Notice relatant la destruction de la chapelle de Maizerais, indûment construite sur le territoire d'Essey.

l.1 [chrisme] IN NOMINE SALVATORIS NOSTRI JHESU CHRISTI, NOTUM MANEAT OMNIBUS CHRISTIA[NE FIDEI CULTORIBUS
l.2 qualiter actum sit] de quadam capella injuste constructa in loco nuncupato Masiriaco super fluvi[um Mattis, quam potestas beati Ste]-
l.3-phani Mettis civitatis ex villa quae vocatur Novisartis nuper inra[tionabil]iter et [contra legem] canon[ice auctoritatis construxerunt, auferre]
l.4 cupientes partem decimȩ Aciacensis aecclesie quȩ jure illi debe[batur ex die quo primum fun]data est. [Vuidricus enim quidam comes depravatus]
l.5 consilio quorundam iniquorum hominum fieri jussit prefatam capellam. [Ex cujus indigne constructio]nis facto, mox proclam[atio facta est, sicque veniens Lu]-
l.6-delmus, Tullensis episcopus, ad eundem [locum], nolarium ipsius capellȩ evertit, [campanas cum vestibus sacerdotalibus secum detulit, ipsam capellam anathema-
l.7-tizavit secundum aecclesiasticam auctoritatem omnesque qui ad predictum [locum deinceps] attenderent a liminibus [catholice] aecclesiȩ reppulit. [Quam]
l.8 rem Drogo episcopus, successor ipsius, in synodo sancta nihilhominus verbis et excommunicationibus confirmavit. Et tali ordine prescripta cappella in
l.9 omni tempore detenta est et proclamata juste, donec ipsa res ad certum [devenit] finem in presentia Gauzlini Tullensis episcopi et Adalberonis Metten-
l.10-sis presulis. Nam cum inde temporibus illorum longa contentio facta fuisset, rur[sus Gauzlinus] episcopus eandem aecclesiam [destruxit], excommunicavit, domum magis
l.11 canum quam sanctarum reliquiarum esse destinavit. Quȩ contentio, jussu Ottonis ducis et [Rotberti archy]episcopi, ad talem tandem pervenit finem: in villa Aciaco simul con-
l.12-venientes sepefati episcopi Gauzlinus et Adelbero cum suis ex utraque parte archydiaconibus et ministris aecclesiarum septem presbiteros ex utraque parte
l.13 jurare fecerunt, ut ex hoc vera dicerent. Quod sacramentum peractum, omnes una voce dixerunt injuste cappellam fuisse structam et [decimam] ab aecclesia Sancti Michaelis Aciaci
l.14 ville ablatam. Sicque [judicio episcoporum et archydiaconorum, presbiterorum, nobilium et ignobilium virorum, Bransinus, presbiter Novisartis, re]ddidit per [vadium Gon]thaldo, presbitero
l.15 aecclesiȩ Sancti Martini, ipsam decimam et Letardo pape coenobii Almi Micahelis, et ipsa cap[pel]la a fundamentis destructa est, et aeternaliter aecclesiastico more
l.16 dampnata, ne umquam instauretur nec decima a prefata ȩcclesia auferatur. Hac ergo contentione legaliter finita, decretum est ab episcopis et ab omnibus qui in eodem fuerunt conventu
l.17 ut inde scriptum tale factum esset, in quo posteri recognoscerent qualiter super hac re factum fuisset. Quod scriptum u[tri]que episcopi fieri jusserunt. Si quis prescriptam capel-
l.18-lam temerarius instaurare voluerit et scriptum hoc infrangere conaverit, [excommunica]tione perpetualiter dampnetur et ban[num ecc]lesiasticum atque regium persolvat.
l.19 Signum episcoporum Gauzlini et Adelberonis. Signum Evorini, primicerii et archydiaconi. [Signum Ursionis. Signum Bli]dulfi, abbatis. Signum Vulfridi. Signum Berhardi, primicerii et archydiaconi. Signum Evrardi, archidiaconi.
l.20 Signum Vuarneri, Barnefridi, Berengar[ii, Gifadi. Nomina testium : Winigii, presbiteri], Heirredi, Teutgaudi, Erpaldi, Ramheri, Willeradi, Guirardi et cȩterorum.
l.21 Signa nobilium virorum Hamedei, H[aimo]nis, Rotfredi, Lantberti, [Ragembaldi, Sarigisi], Widonis, Hugonis, Hunberti, Angel[baldi, Bovonis, Gui]ardi, Teutmari, Bosonis.
l.22 Signa ignobilium Ratmari, Rotberti, Heldulfi, Harioli, Girardi, Bertradi, [Salaconis, Boblini, Dodonis, Leutmundi, Ibaldi, Brandaldi, Vidonis, item Dodonis, Mad]egradi, Hadeeri.
l.23 Actum publice in atrio Sancti Martini Aciacȩ villȩ, XIII kalendas augusti, anno VIII [regum] Ludowici atque Ottonis, Rotberto archyepiscopo, Ottone duce.
l.24 EGO BOSO CANCELLARIUS SCRIPSI ET SUBSCRIPSI [ruche].