Gausbert, comte, donne à Saint-Hilaire de Poitiers un manse situé dans la villa Dorodonno, dans le pagus de Saintes, avec plusieurs serfs.

l.1 [chrisme] Dum lux ista festinanter discurrit et dies nostri sicut umbra pretereunt, ideoque oportet nobis ut de futuro debeamus tractare judicium, ut quamdo quidem transquisitio mortis casus invenerit, non nos inveniat insperatos. Igitur ego, in
l.2 Dei nomine, vir venerabilis Gauzbertus, comes, tractans de Dei timore vel eterna retributione, ut mihi pius hac misericors Dominus in die ultima magni judicii veniam largire dignetur, idcirco pro anime meae
l.3 remedium concedo ad basilicam precellentissimi Hylarii confessoris adque pontificis, ubi ipse preciosus umato corpore requiescit, ad luminaria concinenda ad ipsum sepulcrum, ubi Teotadus custos
l.4 preesse vedetur, hoc est mansus meus indominicatus, qui est situs in pago Santonico, infra illa quinta civitatis, in villa nuncupante Dorodonno, tam in ipsa villa seu etiam infra murum civitatis, tectis, domibus,
l.5 edificiis cunctisque suprapositis terris, vineis, silvis, pratis, pascuis, exenis, exitis, abjacenciis, aquis aquarumve decursibus, mobilibus et immobilibus, et quantumcumque ad ipso alode aspicit vel aspicere videtur, et meo
l.6 cernitur esse possessio vel domina[tio, de qua]cumque adtracto ad me cernitur pervenisse; et cedo in ipso loco mancipiis meis ibidem cum manentibus vel aspicientibus, Gislardo servo cum uxore et filiis et filiabus, et Armaldo servo cum
l.7 uxore et infantis eorum, et omnibus aliunde translatis. Haec omni rem superius conscriptas rectores ipsius loci habeant, teneant, possideant et faciant exinde jure [firmissimo] quicquid eligerint neminen contradicentem.
l.8 Et taliter in hanc cessione placuit mihi inserere ut quamdiu ego advixero tenere et usurpare faciam et ad festivitatem sancti Hylarii ad illo lumen solidos V in censum per singulos annos reddere faciam et post quoque meum
l.9 discessum ipsas res emelioratas sine ulla tarditate recipere faciant. Si quis vero, quod futurum minime credo, si fuerit ego ipse aut ullus de eredibus meis seu quislibet homo vel opposita persona qui contra
l.10 hanc cessione ista aliquid agere aut inquietare presumserit, auri libras VI, argenti pondera decem coactus exsolvat, et quod petit nullatenus valeat vindicare. Sed praesens haec cessio a me facta perennis temporibus
l.11 valeat perdurare cum stipulatione subnixa, manu mea propria subter firmavi, et qui post me firmaverunt ad roborandum decrevi. Signum Gauzberto comite, cessione a me facta. Ramnulfus comes.
l.12 Signum Ermengarde. [signum] Ermenarius [signum]. Signum Acardo. Signum Ricpotoni. Signum Ricardo. Signum Anstario. Signum Alberico. Signum
l.13 Gauzileno. Signum Amalfredo. Signum Isembardo. Signum Samuel. Signum Adalramno. Signum Mainardo. Adraldo.
l.14 DATA IN MENSE APRILE, ANNO PRIMO POST OBITUM KAROLI IMPERATORE, REGNANTE CLODOVICO REGE [ruche]. GAUSCELMUS CLERICUS [SCRIPSIT] [ruche].

1