Le noble Amauri, fils de Gautier, par l'intermédiaire de ses frères Gautier et Etienne, donne à l'abbaye de Saint-Mihiel, des terres et des serfs situés à Marson et Bovée, et élit sa sépulture dans le cimetière de cette abbaye.

l.1 [chrisme] Quisquis cristiano nomine perfulgens aeternam acquirere desiderat patriam, ex suo debet proprio sanctorum ditare loca eleemosinamque pre manibus habere quae, sicut
l.2 novimus, animam a morte liberant perhenni. Quapropter agnoscat in Christi omnipotentis Dei nomine omnium Cristianorum caterva qualiter quidam vir nobilis vocabulo Amal-
l.3-ricus, filius quondam Walteri, gladiorum ictibus perforatus, cum imminere sentiret diem mortis suȩ et paveret gehennȩ poenas, dederit ad locum coenobii Domni Michahelis,
l.4 in cujus sacro cymiterio proprium tradidit corpus sepeliendum, per manus fratrum suorum Walteri et Stephani, ob remedium animȩ suȩ quicquid in villa Marcione visus
l.5 fuit habere, sine aliqua diminutione vel divisione, semis videlicet partem ecclesiȩ mansum dominicum cum pomerio situm in villa Boveyia cum portionibus quas in prefa-
l.6-tis villis habuerat, sicut Bertrudis quȩdam nobilis matrona et filii ejus, mansis scilicet, terris cultis et incultis, silvis, pratis, pascuis, aquis earumque excursibus,
l.7 cum domibus et mancipiis in eisdem villis vel deforis commanentibus, quorum hȩc sunt nomina: Madolbaldus et uxor ejus Vulfaardis cum infantibus V, Teodaldus Curucius cum uxore sua Pini[ana]
l.8 et infantibus IIIIor, Arhildis cum infantibus V, Heirbaldus cum muliere Celsa et infantibus VI, Teutsinna cum infantibus IIIIor, Haimelinus cum uxore Otlinde, Rotmarus, Remianus et uxor
l.9 ejus Emmena cum infantibus III, Odolardus cum muliere Geneda, Raulfus cum uxore Felicia et infantibus IIIIor, Ranoardus et uxor ejus Eversinna cum infantibus VI, Eliana cum infan-
l.10-tibus VIIIto, Girulfus et mulier ejus Dejema cum infantibus IIIIor, Benedictus ejusque uxor Helleidis cum infantibus V, Gondulfus cum infantibus V, Wihardus, [.....], Bero, Teodricus, Bathildis
l.11 cum infantibus IIIIor, Evorgia cum infante I, Erchemberta, Barnildis, Andelucius et uxor ejus Lidhaidis cum infantibus VII, Archemboldus cum muliere Adenna et infantibus VII, Rotfridus
l.12 cum uxore Adalbergia et infantibus III, Odricus et uxor ejus Abtada cum infante I. Haec omnia sita sunt in comitatu Barrensi super fluviolos Boveia et Marcenello. Census horum
l.13 hominum iste est: mares denarios X mense maio, feminȩ V absque sensu terrarum. Jussit autem prefatus Amalricus, consentiente uxore sua nomine Mainfreda, [sub testificatione]
l.14 domini nostri Jhesu Christi, ut non aliter ex predictis rebus agerent fidejussores ejus nisi quod ipse jusserat. Sicque prefati venerabiles viri Vualterus et Stephanus, pro Christi et sancti [Mica]helis
l.15 veneratione et fratris amore, omnia quȩ jusserat expleverunt. Donationem videlicet traditionem ad opus stipendiȩ fratrum vestituram in eadem villa, nemine contradicente, cum cespite
l.16 [terrȩ] et ramis arborum cartulamque [ipsam roboraverunt] in villa quae vocatur Nansiidis, in audientia Francorum ante mallum, in sedili comitis sedente Heirveo venerabili comite
l.17 et circumsedentibus undique scabineis cum multa nobilium turma, et hoc cum stipulatione subnexa, ut nemo infrangere audeat. Si quis propinquus aut externus hanc
l.18 firmitatis cartulam infrangere conaverit, non valeat explere quod repetit, sed persolvat regio numine constrictus utriusque metalli auri et argenti aequa-
l.19-liter libras centum. Signum Vualteri et Stephani. Signum Adulfi qui et ipse fidejussor fuit donationis ac traditionis. Signa scabineorum et nobilium virorum qui
l.20 in ipsa audientia Francorum et mallo presentes fuerunt et manibus propriis ipsam cartulam roboraverunt. Signum Gotberti, Fridigisi, Latardi, Vulfridi, Heribonis,
l.21 Heirfredi, Beronis, Teodrici, Ramerici, Heldradi, Ratdoini, Arnusti, Rodaldi, Haimonis, Fredelonis, Iberti, Teodrici, Heirberti, Vu[...l..l...].
l.22 Actum publice in villa Nansiide, IIII kalendas novembris, anno VIII Ludevici regis, Hugone parvulo comite, Heirveo item comite, Giraldo vicecomite.
l.23 EGO GENNODIUS presbiter ad vicem Mauromni cancellarii scrip[si] et [ruche] subscripsi.