Bernard de La Roche cède à l'abbaye de Marmoutier l'église de Saint-Lienne, l'église Saint-Hilaire près de La Roche et d'autres biens.

l.1 Nosse debebitis si qui eritis posteri nostri, Majoris scilicet hujus habitatores Monasterii sancti Marti-
l.2-ni, Bernardum de Rocha dedisse sancto Martino sibique servientibus mochis, pro animae suae parentumque suorum
l.3 redemptione, ecclesiam sancti Leonii ex integro absque ulla calumnia mortalium cum omnibus quȩ ad eandem
l.4 ecclesiam pertinere noscuntur. Preterea jamdictus Bernardus huic donationi addidit ecclesiam sancti Hilarii
l.5 de foris Rocha cum omni parochia et sepultura pariterque libertatem faciendi burgum, quando facul-
l.6-tas tempusque oportunum fuerit, necnon et ecclesiam intus castrum Luci consistentem in hac eadem donatione
l.7 firmavit, ecclesiam quoque de Petrȩto terrȩque mansuras tres solide atque liberrime donavit.
l.8 Pro hac igitur largitione accepit idem Bernardus a domno B. abbate et a fratribus qui cum eo tunc aderant bene-
l.9-factum orationum et elemosinarum Majoris Monasterii quatinus, bonorum jamdicti monasterii
l.10 particeps factus, illam dominicam vocem suaviter intonantem audiat qua dicturus est his qui a dex-
l.11-tris ejus erunt: Venite benedicti patris mei percipite regnum, et quod uni ex minimis meis fecistis
l.12 michi fecistis. Verum ut in dato et accepto utrorumque magis firmetur karitas, domnus Hilgodus
l.13 noster monachus, qui eo forte tempore oboedentiam de Oreniaco procurabat, dando ei C denariorum
l.14 libras altera ex parte remunerare sategit; ne licet in hac re nichil aliud quam salus animae
l.15 quereretur, tanto tamen beneficio vicem non reddendo velut ingrati haberemur. Dedit quoque Haime-
l.16-ricus, filius Joscelini de Rocha, sepe nominato sancto quicquid sibi ex eadem ecclesia usurpabat, accipiens kari-
l.17-tative trescentos solidos denariorum sciphumque unum argenteum a domno Hilgodo monacho nostro, an-
l.18-nuentibus ejusdem Bernardi et Haimerici conjugibus Frohulina et Hilaria. Convenit etiam sepedictus
l.19 Bernardus et libenter annuit ut quicquid nobis donatum fuerit vel emere poterimus nostrae dominicaturae sit. Faciendi
l.20 quoque burgum ubiubi voluerimus in honore Rochȩ libertatem concessit.
l.21 Testes quos ad haec videnda et audienda libuit adhiberi hii sunt: Ingelelmus de Luco, [colonne1] Caprarius de Rocha, Petrus Claret, Haimericus filius Joscelmi, Vuillelmus filius Herberti, Vuillelmus Maschinot, Gausfredus filius Garini, Tavellus de Marolio, [colonne2] Albuinus de Sancta Flavia, Vuillelmus Malus Clavus, Budicus filius Fulcherii, Hanterius chamerlengus, Cuifet forasterius, Vuinebaldus famulus, Balduinus famulus, [colonne3] Ildemarus cocus, Isembardus de Camaliaco, Fulco de Asinesiis, Lurinus de Salartana. De calonicis: Stephanus, Morestellus filius Bertranni, Vuillelmus capellanus.

1