Gélase II, pape, rappelant les privilèges concédés par ses prédecesseurs et les privilèges des empereurs, a consacré l'église Saint-Sylvestre de Teillan, dont il confirme la possession à l'abbaye de Psalmodi.

l.1 GELASIUS, EPISCOPUS, SERVUS SERVORUM DEI, DILECTO FILIO BERTRANNO, PSALMODIENSIS CENOBII ABBATI, EJUSQUE SUCCESSORIBUS ATQUE OMNIBUS SANCTE ROMANE ȩCCLESIE SUBJECTIS
l.2 SALUTEM ET APOSTOLICAM BENEDICTIONEM. Summi pontificis officii est religiosa loca divinis cultibus mancipata a pravorum hominum incursibus seu pertubationibus apostolica
l.3 auctoritate defendere atque munire. Idcirco Psalmodiensis cenobii antiquitus in via mandatorum Dei celeberrimi abbatem fratresque visitavimus atque illorum orationibus in comuni capitulo
l.4 nos specialiter et ȩcclesiam Dei g[ene]raliter comendavimus, ibique predecessorum nostrorum Johannis, Ste[phani], Urbani, Paschalis perspectis privilegiis [et preceptis Karoli et ] Ludovici imperatorum
l.5 aliorumque regum eidem monasterio factis et concessis, decrevimus predicto cenobio Psalmodii eadem privilegia laudare et confirmare. Auctoritate itaque beatorum apostolorum
l.6 Petri et Pauli et nostra donamus et laudamus tibi Bertranno abbati tuisque successoribus et predicto cenobio ad habendum in perpetuum quicquid concessione pontificum, liberalitate regum
l.7 vel ceterorum oblatione fidelium prefato loco concessum est vel concessum canonice fuerit, excomunicantes et a liminibus sanctȩ ȩcclesiȩ segregantes eos qui de his omnibus scienter
l.8 aliquid abstulerint vel ablata [r]etinuerint, donec de perpetrata iniquitate publica satisfactione peniteant. Porro ȩcclesiam Sancti [Si]lvestri de Telliano, que per juditium
l.9 religiosorum pontificum seu a[bbatum] restituta est prefato cenobio ab injusta possessione clericorum sancti Ruphi, quam ȩcclesiam nos psol[e]mniter consecravimus, concedimus
l.10 et adfirmamus iterum tibi Bertranno abbati tuisque successoribus euvo perpetuo cum omnibus eidem ȩcclesiȩ pertinentibus decimis, primiciis, oblationibus, possessionibus.
l.11 Statuentes ut nemini liceat prefatam ȩcclesiam inquietare vel ab unitate Psalmodiensis monasterii subtraere seu res pertinentes eidem ȩcclesiȩ amplius ab ea auferre
l.12 vel alienare. Quicumque vero in aliquo istorum transgressor extiterit aut terminos, quos in consecratione ejusdem ȩcclesiȩ ad honorem beati Silvestri ibi posuimus, invaserit, secundo
l.13 terciove comonitus, [si non emendaverit], a corpore et sanguine domini nostri Jhesu Christi alienus fiat honorisque sui dignitate careat. Amen. Amen. Amen.
l.14 [rota]. Datum apud Uceciam IIIIo idus decembris, indictione XIII, anno incarnationis dominice millesimo CXVIIII, pontificatus domni Gelasii pape II I. [benevalete].