Pascal II, pape, soumet à l'abbaye de Saint-Gilles-[du-Gard] l'abbaye Saint-Gilles de Hongrie (Sirmich) fondée par le roi des Hongrois Ladislas.

l.1 PASCHALIS, EPISCOPUS, SERVUS SERVORUM DEI, DILECTO IN CHRISTO FILIO HUGONI, ABBATI MONASTERII SANCTI EGIDII, QUOD IN VALLE
l.2 FLAVIANA SITUM EST, EJUSQUE SUCCESSORIBUS REGULARITER PROMOVENDIS IN PERPETUUM. Religiosis desideriis dignum est
l.3 facilem prȩbere consensum, ut fidelis devotio celerem sortiatur effectum. Latisclavus siquidem bonȩ memoriȩ Ungarorum rex ad
l.4 honorem Dei et sanctorum apostolorum Petri et Pauli in memoriam sancti confessoris Egidii Semichensem fundavit ecclesiam, et eam per manum
l.5 Odilonis felicis memoriȩ prȩdecessoris vestri monasterio beati Egidii, cui auctore Deo prȩsides, obtulit, ubi et ejus corpus venerabile
l.6 requiescit. Hanc nimirum oblationem pro animarum salute perpetratam nos largiente Deo apostolicȩ sedis auctoritate firmamus, cui
l.7 vestrum Flavianȩ vallis cenobium ab eodem sancto Egidio in salarium datum agnoscitur. Igitur supradicti regis deliberationem prȩsenti decreto
l.8 sancimus, ut quicumque Seumichensis abbas fuerit, abbati monasterii vestri, quod in valle Flaviana a sancto Egidio constructum diximus, obȩ-
l.9-dientiam profiteatur, et perseveranter observet. Negotia quȩ monasterio acciderint, regis consilio terminentur, et nullus prȩter regem
l.10 super res ecclesiȩ judicare prȩsumat. Porro monasterii ecclesia cum atrio suo ea semper libertate potiatur, ut illic refugientes nullum
l.11 personarum sive rerum prȩjudicium patiantur. Decernimus ergo ut nulli omnino hominum liceat idem monasterium temere pertubare
l.12 aut ejus possessiones auferre, minuere, vel temerariis vexationibus fatigare, sed omnia quȩ ab eodem Latisclavo rege
l.13 vel aliis fidelibus de jure proprio data sunt, aut in futurum Domino largiente illic dari contigerit, firma semper et integra
l.14 conserventur, salva canonica reverentia diocesani episcopi, eorum pro quorum sustentatione et gubernatione concessa sunt usibus
l.15 omnimodis profutura. Si quis igitur decreti hujus tenore cognito, vel Seumichensem cellam a vestri monasteri subjectione
l.16 subtrahere, vel eandem cellam bonis suis temere privare temptaverit, secundo tertiove commonitus, si non satisfactione
l.17 congrua prȩsumptionem illicitam emendare curaverit, a sacratissimo corpore ac sanguine Dei et domini redemptoris nostri Jhesu
l.18 alienus existat, atque in extremo examine districtȩ ultioni subjaceat. Cunctis autem hȩc statuta servantibus sit pax
l.19 domini nostri Jhesu Christi, quatenus et hic fructum bonȩ actionis percipiant, et apud districtum judicem prȩmia ȩternȩ pacis inveniant.
l.20 Amen, amen, amen.
l.21 Ego Paschalis catholicȩ ecclesiȩ episcopus subscripsit.
l.22 Ego Bruno Sinini episcopus subscripsit. Ego Landulfus cardinalis presbyteri subscripsit.
l.23 Datum Parme, per manum Johannis sanctȩ Romanȩ ecclesiȩ diaconi cardinalis ac bibliothecarii, IIII nonas novembris, indictione XV, anno dominicȩ incarnatione
l.24 MoCVIo, pontificatus autem domni Paschalis secundi papȩ VIII.
l.25 [sceau].

JAFFE-LOEWENFELD, n° 6098.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 6, Instr, p. 189.

MIGNE (abbé Jacques-Paul), Patrologia Latina 163 (Paschalis II, Gelasius II, Hugo de S. Maria, Guillelmus de Campellis, Lambertus Audomarensis), Paris 1854, col. 198-199, n° 193.

GOIFFON (Abbé Etienne), Bullaire de l'abbaye de Saint-Gilles, Nîmes, 1882, p. 41-42.