Description
-
Clément VI (1342-1352)
-
Thomam Minoritam ecclesiae Civitaten. (Cività in ins. Sardinia) praeficit in episcopum.1
-
1351, iunii 10, Avinione.
-
1351
-
Venerabili fratri Thomae episcopo Civitaten.
Pastoralis officii debitum etc. Nuper siquidem ecclesia Civitaten. ad dictam Romanam ecclesiam nullo medio pertinente ex eo pastoris solatio destituta, quod nos venerabilem fratrem nostrum Raymunduma Maranen. tunc Civitaten. episcopum, licet absentem, ... ad Maranen. ecclesiam tunc vacantem auctoritate apostolica duximus transferendum etc., post deliberationem, quam de praeficiendo eidem Civitaten. ecclesiae personam utilem et etiam fructuosam cum fratribus nostris habuimus diligentem, demum ad te ordinis fratrum Minorum professorem, in sacerdotio constitutum, litterarum scientia praeditum, religionis zelo conspicuum, vitae ac morum honestate decorum, in spiritualibus providum et in temporalibus circumspectum aliisque multiplicium virtutum meritis insignitum, direximus oculos nostrae mentis. Quibus omnibus attenta meditatione pensatis de persona tua ipsi Civitaten. ecclesiae de dictorum fratrum consilio auctoritate apostolica duximus providendum teque illi praefecimus in episcopum et pastorem, curam et administrationem ipsius Civitaten. ecclesiae tibi in spiritualibus et temporalibus plenarie committendo, tibique per venerabilem fratrem nostrum Petrum episcopum Praenestin. apud sedem apostolicam fecimus munus consecrationis impendi etc. Datum Avinione IV idus iunii anno decimo.
In eumdem modum capitulo et vassallis ecclesiae Civitaten. necnon clero ac populo civitatis et dioecesis Civitaten.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°587., p.256
-
Reg. Vat. t. 207 (Clem. VI a. 10, l. 2), f. 40, ep. 28; Wadd. l. c. reg. pont. Clem. VI, p. 2, n. 100.
1 -
(a) Ex ord. Praed., successorem Bernardi ord. Min. a. 1344 promoti et a. 1349 defuncti; cfr. supra n. 274.