Description
-
Jean XXII (1316-1334)
-
Franciscum de Spoleto ord. Min. ecclesiae Satrianen. praeficit in episcopum.1
-
1332, decembris 2, Avinione.
-
1332
-
Dilecto filio Francisco de Spoleto electo Satrianen.
Pastoralis officii debitum exigit etc. Dudum siquidem bonae memoriae Arduino episcopo Satrianen. regimini Satrianen.a ecclesiae praesidente ... provisionem eiusdem ecclesiae, cum vacaret, ordinationi et dispositioni nostrae ac sedis apostolicae ea vice duximus specialiter reservandam, decernendo ex tunc irritum etc. Postmodum vero praefata ecclesia per obitum eiusdem Arduini episcopi, qui in partibus illis diem clausit extremum, pastoris solatio destituta, nos, vacatione huiusmodi fide dignis relatibus intellecta etc. per deliberationem etc., demum ad te ordinis fratrum Minorum, in sacerdotio constitutum, litterarum scientia praeditum, vitae et morum honestate decorum, prudentia spiritualium et temporalium providentia circumspectum aliisque grandium virtutum meritis, prout ex testimoniis fide dignis accepimus, insignitum, direximus oculos mentis nostrae. Quibus omnibus attente discussis, de persona tua, nobis et dictis fratribus nostris consideratione praemissorum accepta, praefatae Satrianen. ecclesiae ... providemus teque illi praeficimus in episcopum et pastorem, curam et administrationem ipsius tibi tam in spiritualibus quam in temporalibus plenarie committendo etc. Datum Avinione, IV nonas decembris, anno decimo septimo.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°1000., pp.537-538
-
Reg. Vat. t. 104, ep. 335; apud Wadd. l. c. n. 153.
1 -
(a) Satriano in partibus Neapolitanis.
-
(b) In eundem modum capitulo ecclesiae Satrianen., clero et populo civ. et dioec. Satrianen., archiepiscopo Consan., Roberto Siciliae regi illustri.