Description
-
Jean XXII (1316-1334)
-
Franciscum de Cauccella (?) ord. Min., germanum Guilelmi episcopi Alben. (ex ord. Min.) et ab ipso in suum vicarium institutum, monet, ut in hoc officio se habeat diligenter.1
-
1330, decembris 7, Avinione.
-
1330
-
Francisco de Cauccellaa ord. fr. Min.
Intellecto, quod venerabilis frater noster Guilelmus episcopus Alben., germanus tuus, ad partes [regni] Siciliae pro certis utilibus Domino actore negotiis accessurus in episcopatu Alben. suum vicarium te dimittet, discretionem tuam salubriter suademus, ut in his, quae agenda tuae diligentiae imminebunt, sic te habeas diligenter, quod, quantum in te fuerit, dicti episcopi vices adimpleas et ex commendandis operibus commendabilem merito te impendas; nam ven. fratri nostro ‥ episcopo Asten. ac nobili viro Petro de Cadeneto senescalco Pedemontis et Asten. ac Alben. civitatum communibus speciales dirigimus litteras, ut in hiis tibi assistant auxiliis, consiliis et favoribus opportunis. Datum [Avinione,] VII idus decembris, anno quintodecimo.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°890., p.486
-
Reg. Vat. t. 116, f. 135, ep. 879; cfr. supra n. 594 et infra n. 1049.
1 -
(a) Civitella?
-
(b) Die 14 sept. 1330 summus pontifex praedicto episcopo Alben., cui iam antea multa negotia commiserat ad pacem in illis partibus pertinentia, scripsit, sibi placere, eum ad suam praesentiam venire, praesertim cum episcopus Asten. scripsisset, hoc fore expediens (l. c. ep. 875 cfr. 874, 876-878); die autem 28 nov. 1330 Robertum regem Siciliae monet, ut episcopum Alben. ad ipsum pro informatione status terrarum dioecesis Alben. missum benigne recipiat; idem petit a Sancia regina Siciliae (l. c. ep. 410 et 411). Die 15 dec. 1330 petit salvum conductum dro eodem episcopo et die 28 dec. 1330 hortatur Bonifatium comitem de Donoratico atque ancianos Pisanos, ut ipsum ad partes Siciliae se transferentem conducant (l. c. f. 108, ep. 528). Cfr. infra n. 1049.