« bullarium-franciscanum-4181 »

Dilecto filio Alamanno de Donatis de Florentia electo Suanen.

Licet continuata supervenientium negotiorum instantia etc. Dudum siquidem ex certis rationabilibus causis provisionem omnium ecclesiarum cathedralium... reservavimus etc. Et deinde certis causis et considerationibus moti pariter et inducti reservationem et decretum ac beneplacitum supradictum usque ad duos annos a kalendis ianuarii proxime praeteriti tunc instantibus dumtaxat voluimus perdurare, nisi illa rationibus aliis forsan inducti provideremus in tempus amplius proroganda. Interim vero ecclesia Suanen.a dictae Romanae ecclesiae immediate subiecta, quae in terra ad nos et dictam ecclesiam Romanam spectante consistit, per obitum bon. mem. Transmundi episcopi Suanen., qui in illis partibus diem clausit extremum, pastoris solatio destituta, nos vacatione huiusmodi ipsius ecclesiae fide dignis relatibus intellecta de ipsius ordinatione, ne dispendia prolixae vacationis incurreret, paterna sollicitudine cogitantes, cum nullus praeter nos hac vice de provisione ipsius ecclesiae Suanen. se intromittere possit, reservatione et decreto ac beneplacito obsistentibus supradictis: post deliberationem, quam de praeficiendo ipsi ecclesiae personam utilem ac etiam fructuosam habuimus cum fratribus nostris diligentem, demum in te ordinis fratrum Minorum professorem et in sacerdotio constitutum, cui de religionis zelo, vitae munditia, litterarum scientia, honestate morum et aliarum multiplicium virtutum meritis laudabilia testimonia perhibentur, direximus aciem nostrae mentis. Quibus omnibus debita meditatione pensatis de persona tua ipsi Suanen. ecclesiae de ipsorum fratrum consilio auctoritate apostolica providemus teque illi in episcopum praeficimus et pastorem, curam et administrationem ipsius ecclesiae Suanen. tibi in spiritualibus et temporalibus plenarie committendo etc. Datum Avinione, XI kalendas novembris, anno quintodecimo.b