Description
-
Jean XXII (1316-1334)
-
Mandat Benedicto ep. Cuman., quod, si Michaelem de Caesena fugitivum aliosque ipsius complices forte ceperit, iustitiae de eis faciat complementum.1
-
1329, maii 20, Avinione.
-
1329
-
Benedicto episcopo Cumano.
Cum de tuae circumspectionis industria zeloque ferventi, quem ad Deum et Romanam ecclesiam ac fidem catholicam habere dinosceris, geramus fiduciam in Domino specialem, fraternitati tuae tenore praesentium committimus et mandamus, quatinus, si Michaelem de Caesena olim ordinis fratrum Minorum generalem ministrum, de Romana curia fugitivum, haereticum et scismaticum ac de haeresi sententialiter condempnatum, aut aliquos ipsius complices et sequaces vel alios, qui in dampnatas per constitutiones vel processus nostros haereses incidissent, te capere vel eos tibi quomodolibet assignari contingat (super quo adhibere studeas diligentiam operosam), de ipsis tanquam haereticis et eorum singulis, nisi ad sedem apostolicam possent secure transmitti, exhibeas (matura deliberatione praehabita) iustitiae complementum: nos redditurus de hiis, quae in hac parte quomodolibet gesseris, certiores. Datum Avinione, XIII kalendas iunii, anno tertiodecimo.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°793., p.388
-
Reg. Vat. t. 115, f. 27, ep. 170. Cf. supra n. 783.
1