Description
-
Jean XXII (1316-1334)
-
Hedvigi reginae Poloniae concedit facultatem visitandi monasteria Clarissarum et in ipsis comedendi ac pernoctandi.1
-
1326, iunii 9, Avinione.
-
1326
-
Carissimae in Christo filiae Hedvigia Poloniae reginae illustri.
Eximiae divotionis tuae sinceritas, per quam tibi apostolicae sedis benevolentiam vendicasti, digne mentem nostram excitat et inducit, ut petitiones tuas, quantum cum Deo possumus, ad exauditionis gratiam admittamus. Sane petitio tua nobis exhibita continebat, quod nos dudum tibi tuisque filiabus per nostras litteras duximus indulgere, quod monasteria monialium ordinis sanctae Clarae in regno tuo existentia intrare possetis, dummodo non comederitis nec pernoctaretis ibidem: non obstantibus quibuscumque statutis et consuetudinibus monasteriorum et ordinis praedictorum, prout in eisdem litteris plenius dicitur contineri. Nos igitur volentes te favore prosequi ampliori, tuis supplicationibus inclinati, quod, cum ad dicta monasteria vel aliquod eorumdem te devotionis seu recreationis causa pervenire contingerit, possis cum duabus matronis vel saltem unica infra monasteriorum ipsorum clausuram comedere semel in anno dumtaxat et pernoctare (consuetudinibus ac statutis praedictis et quibuscumque constitutionibus contrariis nequaquam obstantibus), nobilitati tuae tenore praesentium indulgemus. Nulli etc. Datum Avinione, V idus iunii, anno decimo.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°615., p.303
-
Reg. Vat. t. 81, f. 157, ep. 1937. Cfr. supra n. 391 et 615.
1 -
(a) Filiae Boleslai ducis Poloniae maioris (Kalisch).
-
(b) Cfr. infra n. 798 et Wadd. l. c. ad a. 1333 n. 22.