Description
-
Jean XXII (1316-1334)
-
Praeficit Petrum Aurioli ord. Min., « doctorem profundum » appellatum, ecclesiae Aquen. (Aix) in archiepiscopum.1
-
1321, februarii 27, Avinione.
-
1321
-
Dilecto filio Petro electo Aquen.
Sponso coelesti etc. Nuper siquidem Aquen. ecclesia pastoris solatio destituta (pro eo quod nos dilectum filium Petrum tituli sanctae Pudentianae presbyterum cardinalem, archiepiscopum Aquen.,a tunc apud sedem apostolicam personaliter constitutum, a vinculo, quo ipsi ecclesiae, cui praeerat, tenebatur adstrictus, de fratrum nostrorum consilio et apostolicae plenitudine potestatis absolventes, ipsum ad dignitatem cardinalatus, ut regiminis universalis ecclesiae nobiscum onera portaret, duximus assumendum) nos attendentes, quod nullus praeter nos etc., de praeficiendo eidem Aquen. ecclesiae personam utilem ac etiam fructuosam cogitare coepimus diligenter, et post deliberationem, quam cum dictis fratribus super hoc attentam habuimus, demum in te ordinis fratrum Minorum, ordinem ipsum expresse professum, in sacerdotio constitutum ac sacrae theologiae magistrum, virum quidem morum gravitate laudabilem, vitae munditia commendandum, discretionis et consilii maturitate conspicuum aliarumque virtutum muneribus circumfultum, aciem direximus mentis nostrae. Quibus omnibus debita meditatione pensatis, de persona tua, nobis et eisdem fratribus ob exigentiam huiusmodi tuarum virtutum accepta, praefatae Aquen. ecclesiae de fratrum praedictorum consilio auctoritate apostolica providemus teque ipsi Aquen. ecclesiae praeficimus in archiepiscopum et pastorem, curam et administrationem illius tibi tam in spiritualibus quam in temporalibus plenarie committendo etc. Datum Avinione, III kal. martii, anno quinto.b
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°425., pp.200-201
-
Reg. Vat. t. 71, ep. 647, apud Wadd. l. c. reg. pont. Io. XXII, n. 100.
1 -
(a) Petrus Després, cum quo noster Petrus Aurioli persaepe confunditur.
-
(b) Ioannes XXII eidem Petro per se ipsum iam consecrato die 14 iunii concedit facultatem ad ecclesiam suam accedendi, sex diebus post assignari facit pallium per Neapoleonem s. Adriani, Iacobum s. Georgii ad velum aureum, Lucam s. Mariae in via lata diaconos cardinales, die vero 11 iulii 1321 indulget, quod contrahere possit mutuum usque ad 1000 fl. auri (Reg. Vat. t. 72, epp. 921, 922, 925). Iste Petrus unico tantum anno post moritur. Cfr. Sbar. Suppl. ad Script. ord. Min. p. 584 n. 3113.