Description
-
Clément V (1305-1314)
-
Fratribus Min. Oxonen. concedit locum fratrum de Poenitentia I. C. eis contiguum.1
-
1309, maii 27, Avinione.
-
1309
-
Dilectis filiis ‥ guardiano et fratribus ordinis Minorum de Oxonea Lincolnien. dioecesis.
Exhibita nobis ex parte vestra petitio continebat, quod propter arctitudinem loci vestri de Oxone vos et fratres alii inibi ad generale studium de diversis mundi partibus in magna multitudine confluentes defectus multiplices et incommoditates varias sustinetis. Cum itaque locus fratrum de Poenitentia Iesu Christib eiusdem loci de Oxone eidem loco vestro contiguus a dictis fratribus sit in brevi ut creditur relinquendus, in dispositione sedis apostolicae iuxta tenorem constitutionis a Gregorio pp. X praedecessore nostro in generali concilio Lugdunen. editae remansurus: ex parte vestra nobis humiliter extitit supplicatum, ut locum ipsum pro ampliatione dicti loci vestri vobis concedere dignaremur. Nos igitur, vestris et dilecti filii nobilis viri Ioannis de Britania comitis Richemundae, nobis super hoc cum instantia supplicantis, precibus inclinati, locum praedictum, cedentibus vel decedentibus fratribus supradictis aut illum quomodolibet dimittentibus, vobis de speciali gratia concedimus et donamus. Nulli ergo etc. Datum Avenione, VI kalendas iunii, pontificatus nostri anno quarto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°131., pp.56-57
-
Reg. Vat. t. 56, f. 90, ep. 408 (n. 4102).
1 -
(a) Oxford in custodia Oxonien. provinciae Angliae.
-
(b) Alias « Saccorum », de quibus (in concilio Lugdunen. secundo suppressis) in huius op. t. II-IV passim.