Description
-
Clément V (1305-1314)
-
Annuens supplicationibus Rainaldi Spinulae de Luculo civis Ianuen., qui in fundo proprio in Ianuen. vel Terdonen. dioecesibus in honorem b. Dominici vel b. Francisci domum pro fratribus Praedicatoribus vel Minoribus fundare desiderat, superioribus alterius utrius ordinis concedit, ut ipsam recipere possint.1
-
1309, maii 13, Avinione.
-
1309
-
Dilectis filiis ‥ priori et ‥ ministro ac fratribus Praedicatorum et Minorum ordinum provinciae Ianuen.
Inter ceteros ordines in agro plantatos ecclesiae sacros vestros ordines claris eorum exigentibus meritis gerentes in visceribus charitatis, ad ea vigilanter intendimus ac opem operamque sollicitam impertimur, per quae status eorumdem ordinum ad divini nominis gloriam, exaltationem catholicae fidei et honorem ordinum praedictorum prosperis semper successibus affluat, tranquillis foveatur eventibus et votivis proficiat incrementis. Sane petitio dilecti filii nobilis viri Raynaldi Spinulae de Luculo civis Ianuensis nobis exhibita continebat, quod ipse zelo fidei ac devotionis accensus et ad divina obsequia iugiter exequenda dispositus in fundo proprio in Ianuen. vel Terdonen. dioecesi, in loco congruo et honesto, ad honorem beati Dominici vel beati Francisci confessorum, qui primi fuerunt gloriosi eorumdem ordinum fundatores, quamdam ecclesiam et domos, in quibus alicuius ex praefatis ordinibus professores moram contitinuam contraherent, devotum et sedulum sacrificium laudis Altissimo impensuri, de bonis propriis construere et aedificare proponit; sed quia domos ipsas recipere (constitutione fel. rec. Bonifatii papae VIII praedecessoris nostri super hoc in contrarium edita obsistente) absque apostolicae sedis licentia non potestis, praefatus nobilis nobis humiliter supplicavit, ut super hoc sibi et vobis per ipsius sedis clementiam provideretur. Nos itaque piis eiusdem nobilis supplicationibus annuentes vobis, ut fratres Praedicatorum vel Minorum vestrorum ordinum praedictorum, quos dictus nobilis duxerit eligendos, in altera dioecesium praedictarum et in loco, in quo conventum alium minime habetis, in fundo proprio eiusdem nobilis locum recipere ac ecclesiam et domos fabricare expensis ipsius ipsasque perpetuis futuris temporibus retinere et morari in illis libere valeatis, eiusdem praedecessoris et alia qualibet constitutione contraria non obstante, plenam auctoritate praesentium licentiam duximus concedendam. Nulli ergo etc. Datum Avinione, III idus maii, anno quarto.a
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°129., pp.-56
-
Reg. Vat. t. 56, f. 54, ep. 278 (n. 3936).
1 -
(a) Difficile est dictu, ubi et pro quo ex praedictis ordinibus dicta domus fundata sit.