Description
-
Clément V (1305-1314)
-
Monasterium Clarissarum Rupellen. regimini ministrorum generalis et provincialis provinciae Turonen. committit.1
-
1307, novembris 22, Pictavis.
-
1307
-
Dilectis filiis ‥ generali et ‥ provinciali provinciae Turonen. ministris ordinis fratrum Minorum.
Cum dilectae in Christo filiae Airemburgis, soror, et Marquesia, filia dilecti filii nobilis viri Eliae comitis Petragoricen., et aliae sorores monasterii sanctae Clarae Petragoricen. ordinis eiusdem sanctae quemdam locum in villa de Rupella Xantonen. dioecesis acquisiverint, in quo nonnullae sorores sub dicta earum regula Domino famulantur, nosque locum eumdem eis duxerimus confirmandum: discretioni vestrae per apostolica scripta mandamus, quatenus aliquos vestri ordinis fratres, quos ad hoc idoneos esse videritis, deputetis ad visitandum easdem sorores dicti loci de Rupella et ad ministrandum eis ecclesiastica sacramenta, prout animarum suarum saluti videritis expedire. Datum, ut supra.a
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°99., pp.-45
-
Reg. Vat. t. 55, f. 23, ep. 118 (n. 2427), apud Wadd. l. c. reg. pont. Clem. V n. 10. Cfr. supra n. 98.
1 -
(a) Die 25 nov. 1307 Clemens V guardiano fratrum Minorum de s. Iuniano (saint Junien in custodia Lemovicensi provinciae Aquitaniae) mandasse dicitur, ut fratrem Bernardum Deliciosi ord. Min., mense aprili 1307 ad istum conventum (ibidem sub fida custodia morandi causa) missum, Pictavas ad curiam Romanam remitteret. Cfr. supra n. 44 p. 24 not. 2 et infra n. 372.