Description
-
Boniface VIII (1294-1303)
-
Iisdem Minoribus Parisien. eroget quamdam pecuniæ summam in subsidium Terræ Sanctæ legatam. ex Reg. Vat. Pont. epist. 344. an. 2.
-
Anno 1296. die 17. Julii.
-
1296
-
BONIFACIUS &c.
Venerabili Fratria ... Episcopo Parisien. Sal. & Ap. Ben.
Cum, sicut accepimus, trecentæ libræ Turonen. parvorum, quas quondam Adea Domina de Pernis in subsidium Terræ Sanctæ in sua ultima voluntate legavit, & quas quondam Maria dicta la Faynere mulier Parisien. dum viveret, ab executoribus testamenti dictæ Dominæ in deposito dicitur habuisse, ad manus dilectorum filiorum Gaufridi dicti de Gie Clerici Pœnitentiarii tui, & Johannis de Perno Civis Parisien. pervenisse noscantur; Nos volentes de hujusmodi pecunia dilectorum filiorum ... Guardiani, & Fratrum Ordinis Minorum Parisien. indigentiæ subveniri, dilecti filii nostri Jacobib tituli Sancti Clementis Presbyteri Cardinalis Nobis super hoc supplicantis precibus inclinati, Fraternitati tuæ per Apostolica scripta mandamus, quatenus præfatas trecentas libras auctoritate nostra ad tuas manus recipiens illas præfatis Guardiano, & Fratribus nostro nomine pro eorum necessariis in eleemosynam largiaris, contradictores per censuram Ecclesiasticam appellatione postposita compescendo. Non obstante &c.c. Datum Anagniæ XVI. Kalendas Augusti, Pontificatus nostri Anno II.
-
Bullarium Franciscanum romanorum pontificum, tomus IV, n°LXXXIII., pp.404-405
-
(a) Fratri: Simoni Matifas, de quo alibi.
-
(b) Jacobi: Thomasii Cajetani supra commemorati pag. 401. no. (f).
-
(c) Non obstante &c.: ut in antecedenti epistola usque in finem.