Description
-
Nicolas IV (1288-1292)
-
Eodem modo, ac die similis tribuitur Indulgentia in præcipuis B. M. Virginis, & SS. Francisci, ac Antonii Confessorum festivitatibus &c. adeuntibus Ecclesias eorumdem Fratrum Ord. Minorum Urbinat.1 S. Angeli in Vado2 ejusdem Urbinat. Diœcesis 3 S. Marini4, Leonani5, & S. Leonis6. ex Vat. Reg. Pontif. epist. 749. num. 1. 2. 3. 4. & 10. anni 4.
-
Anno 1292. die 9. Febr.
-
1292
-
Bullarium Franciscanum romanorum pontificum, tomus IV, n°DCIII., pp.319-320
-
Urbinat.: Urbinum notissima Civitas Archiepiscopalis Pontificiæ ditionis in montibus, Ducatus sui nominis primaria, 20. mill. distat e Pisauro in Africum, & 30. ab Arimino in meridiem prope fontes Isauri fluminis, italice Foglia. Hujus FF. Min. Conventus meminimus in ep. 57. Martini IV. superiùs in 3. tom. fol. 513. & de eo Jordanus, Pisanus, Rodulphius, ac Vaddingus ad an. 1286. n. 8. & 1399. n. 21. Primus est Custodiæ Feretranæ in Prov. Marchiæ Anconit. usque nunc apud nostros. Ipsius Alumnus fuit Eminentissimus, ac Reverendissimus D. D. Fr. Laurentius Ganganelli S. R. E. tit. primò S. Laurentii in Panisperna, mox SS. XII. Apost. Presbyter Cardinalis a Clemente XIII. fel. regn. die 24. Septembris 1759. ex Ordine nostro assumptus.
1 -
S. Angeli in Vado: ab Urbanea sex mill. in occasum, & 16. circiter a Tiferno Tiberino in Boream. Extra hujus tunc Oppidi mœnia admissos fuisse Minores ante an. 1273. eorumque Ecclesiam consecratam fuisse an. 1310. testatur Vaddingus ad an. 1399. n. 21. Cœnobium ad hæc usque tempora a nostris in Custodia, ac Provincia prædictis colitur.
2 -
Urbinat. Diœc.: S. Angeli Vadani Castrum nonnullis, olim Tifernum Metaurum nuncupatum. Urbanus VIII. Summ. Pont. die 18. Febr. 1636. Episcopali dignitate hanc Urbem donavit uti ex Magno Bull. Rom. to. 6. p. 2. fol. 49. Ex Civitate S. Angeli oriundus fuit prædictus Eminentissimus Dominus, natus tamen in Oppido S. Archangeli Diœc. Ariminen. die 31. Octobr. 1705.
3 -
S. Marini: Civitas in aspero monte posita cum arce 10. mill. ab Arimino in Africum Reipublicæ legibus gubernata. De hoc FF. Min. Cœnobio agit Vaddingus ad hunc an. n. 28. sed clariora ipsius monumenta profert ad an. 1399. n. 21. Eum colunt nostri in hunc diem.
4 -
Leonani: Oppidulum inter Piegnanum, Petram caulam, Monasterium, & Vigilianum ab Urbino 15. mill. in montis supercilio ad subterfluentem Isaurum. Hic Mons ex Vaddingo ad hunc an. n. 28. illuminatus appellatus est, ex quo, uti perhibent, inibi S. Parens quemdam cæcum illuminavit. Hujus Cœnobii Ecclesiam an. 1325. die 26. Maii sub Jo: XXII. consecratam fuisse tradit cit. Annalista ibidem. Constat autem diversum esse Minoribus Cœnobium Leonani a Cœnobio Lunani: Illud in Prov. ac Custod. prædictis apud Jordanum, Pisanum, & Rodulphium circa an. 1650. a nostris derelictum; Hoc verò rectiùs Lugnanum ab Ameria 5. mill. in occasum quondam in Prov. Umbriæ, & Custodia Tudertina penes cit. veteres Scriptores nostros, nunc apud Gonzagam Conv. 34. Prov. S. Francisci, & de eo cit. Vadd. ad an. 1229. n. 32.
5 -
S. Leonis: Civitas est cum arce in Monte Feretranæ Diœc. ab Arimino 18. mill. ad subterfluentem Ariminum incolis Marecchia. Conventus hic spectat quidem primam Ordinis ætatem, sed ab ipso Seraphico Viro constitutum non asserimus, quamquam id referat Vaddingus ad an. 1292. n. 28. Hæc verò de ipsius origine opinamur. S. Parens an. 1213. ut superiùs innuimus fol. 156. (h) nocturno tempore iter faciens hanc Civitatem versus, tenebrisque densissimis circumfusus cum socio periclitabatur, Socioque ad S. Virum clamante: Ora Pater ut de instantibus periculis liberemur, Vir Dei respondit: Potens est Deus ... tenebrarum effugata caligine beneficium nobis impendere lucis: Vix sermonem compleverat, & ecce tanta lux illico cœpit circa eos superna radiare virtute, ut nocte aliis existente obscura, ipsi luce clara viderent non solùm viam, sed etiam plurima circumquaque; hæc D. Bonav. in Legenda maj. cap. 5. Modò in hunc diem quingentis circiter passibus ab hoc Cœnobio Locus est in nemore, cui nomen Santigne ab hoc miraculo deductum; Credibile est S. Parentem cum socio in eo ipso Loco tunc constitisse: at ipso obeunte Sociis e conspectu Loci ejusdem Cleri S. Leonis pietate Ædes S. Pancratio Sacra, quæ tunc Plebalis erat e Civitate mill. pass. recedens, attributa est, instructo postmodum Cœnobio, quod in hunc diem a nostris colitur in Prov. Marchiæ Anconitanæ, & Custodia Feretrana. Vaddingus ad an. 1518. n. 27. affirmat Pontificem Leonem X. permisisse FF. de Observantia hoc Cœnobium a Conventualibus propter bellorum calamitates derelictum. Fortasse hoc indulserat, sed num aliquando executioni mandatum sit prorsus est incertum, ac nulla superest hujus rei fama; præterea modici temporis domicilium inibi illos habuisse putandum erit, ex quo Gonzaga nunquam inter Conventus Minorum Observantium hunc enumerat, & contra constans vigeat traditio perpetui incolatus Minorum Conventualium. Præterea Vaddingus ipse ad an. 1292. n. 28. vetustatem hujus Cœnobii vel ex eo petit, quòd Campana minor fusa fuit an. 1259. At bona tanti viri pace Nola hæc non anno præfato, sed 1208. fusa est ut probat ejusdem inscriptio, quam tradimus. Mentem † Sanctam † Spontani † in onorem † Deo ‥ Patris † & liberationem † M.CC.VIII. Nihil verò ex hac vetustate Nolæ proficimus ad Cœnobii antiquitatem vindicandam; præfati enim fuimus Ecclesiam illam Cœnobium prævertisse, & ipsum S. Parentis iter. Restat unum, ut componamus ea, quæ D. Bonaventura loco præfato asserit: Habet enim Viro Dei prædicationis causâ inter Lombardiam, & Marchiam Tervisinam iter agente cum Fratre Socio juxta Padum tenebrosa noctis supervenit obscuritas &c. Nunc Civitas S. Leonis in Marchia Anconitana est, non Tarvisina, & ad Ariminum, non ad Padum. Verùm hæc nullo S. Doctoris dispendio; Relatoribus sunt attribuenda minus Regionum peritis.
6
Informations
Document
bullarium-franciscanum
admin
(IRHT), dans
Bullarium Franciscanum
Bullarium Franciscanum romanorum pontificum, dir. I. Heullant-Donat, éd. électronique TELMA (IRHT), Orléans, 2021 [en ligne], acte n. 154916 (bullarium-franciscanum-3003), http://telma.irht.cnrs.fr/chartes/en/bullarium-franciscanum/notice/154916 (mise à jour : 26/01/2021).