« bullarium-franciscanum-2909 »

NICOLAUS &c.

Dilectis in Christo filiabus ‥ Abbatissæ Monasterii Sancti Laurentii de Collazonea , ejusque Sororibus tam præsentibus, quàm futuris Regularem vitam professis in perpetuum Sal. & Ap. Ben.

Religiosam vitam eligentibus Apostolicum convenit adesse præsidium, ne fortè cujuslibet temeritatis incursus aut eas a proposito revocet, aut robur, quod absit, sacræ Religionis enervet. Eapropter dilectæ in Christo filiæ, vestris justis postulationibus clementer annuimus, & Monasterium Sancti Laurentii de Collazone Tudertinæ Diœcesis, in quo Divino estis obsequio mancipatæ &c.b Locum ipsum in quo præfatum Monasterium situm est, cum omnibus pertinentiis suis: Ecclesiam Sancti Johannis de Monte cum omnibus pertinentiis suis a bonæ memoriæ B.c Tudertino Episcopo, Capituli sui accedente consensu, pleno jure vobis concessam, prout in litteris inde confectis pleniùs continetur: Ecclesiam Sanctæ Mariæ de Prepod cum omnibus pertinentiis suis sitam in territorio Perusino: Ecclesiam Sanctæ Mariæ Montis Christie cum omnibus pertinentiis suis sitam juxta Tudertum: Sancti Fortunati de Missano: Sancti Marini: Sancti Sisti: & Sancti Angeli de Collazone Ecclesias cum omnibus pertinentiis suis: Sancti Pauli de Certalto, & Sancti Clementis de Mansano Ecclesias cum omnibus pertinentiis earundem: Terras, & possessiones, quas habetis in territorio Castri de Collazone in locis, qui Valianus Pennitiæ prope muros Castri ejusdem: Vinea Dominica: Campus de Gractis, Campus de Fracta: Castella Capitaniani, Busulisci: Villa Sancti Stephani: Casalia & Vallis Sancti Laurentii, & Scrusa vulgariter appellantur: Tria Molendina, quæ habetis in fossato juxta Monasterium vestrum: aliud etiam Monasterium, & terras, quæ habetis in territorio Galliculi cum aquarum decursibus, & omnibus pertinentiis eorundem: Domos tres, & Casalina duo, quæ habetis in prædicto Castro de Collazone cum terris, pratis, vineis, nemoribus, usuagiis, & pascuis in bosco, & plano, in aquis, & molendinis, in viis, & semitis, & omnibus aliis libertatibus, & immunitatibus suis. Liceat quoque vobis personas &c.f Præterea omnes libertates, & immunitates, quas Monasterio vestro prædictus Tudertinus Episcopus de Capituli sui assensu indulsisse dinoscitur, sicut in ejus litteris pleniùs continetur, auctoritate Apostolica confirmamus, & præsentis scripti privilegio communimus. Tenorem autem litterarum ipsius Episcopi, & Capituli ad cautelam duximus præsenti privilegio inserendum, qui talis est. “In nomine Domini. Amen. Ab ejus nativitate sunt anni mille ducenti trigintaquinque tempore Domini Gregorii PP. Noni XI. Kalendas Maii indictione octava. Nos Bonifacius Tudertin. Episcopus gratiâ &c.g” Decernimus ergo, ut nulli omnino hominum liceat præfatum Monasterium temere perturbare &c. Ad indicium autem perceptæ a Sede Apostolica libertatis unam libram ceræ persolvetis Nobis, nostrisque successoribus annuatim. Si qua igitur in futurum Ecclesiastica, sæcularisve persona &c.h

Datum apud Urbem veterem per manum Magistri Johannis Decani Bajocen. Sanctæ Romanæ Ecclesiæ Vicecancellarii X. Kalendas Augusti indictione IV. Incarn. Dominicæ Anno MCCLXXXXI. Pontificatus verò Domini Nicolai Papæ IIII. Anno Quarto.

Illumina faciem tuam super servum tuum.

Ego Nicolaus Catholicæ Ecclesiæ Episcopus subscripsi.

Ego Frater Latinus Ostien. & Velletren. Episcopus ss.

Ego Gerardus Sabinen. Episcopus ss.

Ego Johannes Tusculanus Episc. ss.

Ego Johannes tit. Sanctæ Cæciliæ Presbyter Card. ss.

Ego Fr. Matthæus tit. Sancti Laurentii in Damaso Presbyter Card. ss.

Ego Fr. Hugo tit. Sanctæ Sabinæ Presbyter Card. ss.

Ego Petrus tit. Sancti Marci Presbyter Card. ss.

Ego Matthæus Sanctæ Mariæ in Porticu Diac. Card. ss.

Ego Jacobus Sanctæ Mariæ in Vialata Diac. Card. ss.

Ego Benedictus Sancti Nicolai in carcere Tulliano Diac. Card. ss.

Ego Neapoleo Sancti Adriani Diac. Card. ss.

Ego Petrus Sancti Eustachii Diac. Card. ss.