« bullarium-franciscanum-2517 »

NICOLAUS &c.

Venerabili Fratria ‥ Episcopo, & dilecto filio Scholastico Pictavien.b Salutem, & Apostolicam Benedictionem.

Sua nobis dilecti filii ... Guardianus, & Fratres Minores Pictaviensisc Provinciæ petitione monstrarunt, quòd locus ipsorum Civitatis Pictaviensis loco Fratrum de Pœnitentia Jesu Christid Civitatis ejusdem, quorum Ordo non est de reservatis per Constitutioneme fel. record. Gregorii Papæ x. prædecessoris nostri editam super hoc in Concilio Lugdunen.f adeo est vicinus, quòd per quamdam viam dumtaxat plenam sordibus, & immunditiis ab invicem separantur. Quare dicti Guardianus, & Fratres nobis humiliter supplicaverunt, ut cum in prædicto loco ipsorum Fratrum de Pœnitentia Jesu Christi, in quo dudum quamplures Fratres ipsius Ordinis manere consueverant, perpauci Fratres commorentur ad præsens, qui etiam frequenter dimittitur absque Fratre, & sub custodia seculari, propter quod est verisimiliter præsumendum, quòd locus ipse juxta tenorem prædictæ Constitutionis post non magni temporis spatium dispositioni Sedis Apostolicæ totaliter relinquetur, dictusque locus Fratrum Minorum, qui valde arctus existit, nonnisi per locum ipsorum Fratrum de Pœnitentia Jesu Christi commode valeat ampliari, transferre prædictum locum eorumdem Fratrum de Pœnitentiâ Jesu Christi in ampliationem dicti loci prædictorum Fratrum Minorum, & in eorum usus de benignitate Apostolica dignaremur. Nos prædictis Guardiano, & Fratribus, quos sincerâ diligimus in Domino charitate, sic in hac parte providere proponimus, ut ipsius Constitutionis continentia, quibus omnibus vestram intendimus conscientiam onerare, si vobis constiterit ita esse, prædictum locum eorumdem Fratrum de Pœnitentia Jesu Christi, postquam illum per decessum, vel cessionem factam a Fratribus de Pœnitentia prædicta nunc ibi morantibus, juxta tenorem dictæ Constitutionis, ad dispositionem ipsius Sedis pervenire contigerit, cum domibus ædificiis lignis lapidibus & horto ejusdem loci prædictis Fratribus Minoribus auctoritate nostra vendatis pro pretio competenti: Inducentes per vos, vel alium, seu alios nominatos Fratres Minores in loci domorum & aliorum prædictorum corporalem possessionem, & defendentes inductos, contradictores, & rebelles per censuras Ecclesiasticas, appellatione postposita, compescendo. Volumus tamen, quòd hujusmodi dicti loci pretium, seu pecuniam in aliqua æde sacra penes aliquas personas idoneas, nostro, & Ecclesiæ Romanæ nomine, integre, ac fideliter deponere studeatis, pretium, seu pecuniam prædictam in Terræ Sanctæ subsidium, aut in alios pios usus juxta tenorem ejusdem Constitutionis, & Apostolicæ Sedis beneplacitum convertendag; facientes super hujusmodi deposito fieri duo publica instrumenta, quorum unum apud vos retinere, alterum verò Cameræ nostræ, & quid, & quantùm ad locum, ubi & penes quos, & coram quibus dicta pecunia deponetur, & quidquid super hoc feceritis, Nobis per litteras vestras harum seriem continentes mittere & intimare fideliter studeatis. Non obstante, si aliquibus ab Apostolica Sede aliàs indultum sit, quòd interdici, suspendi, vel excommunicari non possint sine speciali mandato Sedis ejusdem faciente de indulgentia hujusmodi mentionem, & quibuscumque aliis indulgentiis Apostolicis, per quas præmissa impediri possint, vel etiam retardari. Datum Reate Kalendis Junii, Pontificatus nostri Anno Secundoh.