Description
-
Nicolas IV (1288-1292)
-
Constitutiones contra Hæreticos ab Innocentio IV. editas, & ab Alexandro, atque Clemente IV. modificationibus, ac declarationibus auctas confirmat, & observari mandat. ex Reges. Vatic. Pontif. epist. 179. ann. 2. & ex Addit. Camilli Campegii ad cap. 37. Zanchini Ugul. de Hæreticis §. Exigere juramentum.
-
Anno 1289. die 22. Aprilis.
-
1289
-
NICOLAUS &c.
Dilectis Filiis ‥ Potestatibus, sive Rectoribus, Consulibus, Capitaneis, Anzianis, Consiliis, & Communitatibus Civitatum, aliorumque Locorum per Italiam constitutis Salutem, & Apostolicam Benedictionem.
Ad extirpanda de medio Populi Christiani hæreticæ pravitatis zizania, quæ abundantiùs solito succreverunt, superseminante illa licentiùs iis diebus homine inimico, tantò studiosiùs juxta commissam Nobis solicitudinem insudare proponimus, quantò pernitiosiùs negligeremus, eadem in necem Catholici seminis pervagari. Ut autem adversus hujusmodi nequitiæ operarios consurgant, stentque firmiter Ecclesiæ filii, ac orthodoxæ fidei zelatores, Constitutiones quasdam fel. record. Innocentius Papa iv. prædecessor noster ad extirpationem hæreticæ pestis edidit, & in Capitularibus vestris tam ipse, quàm felicis memoriæ Alexander Papa prædecessor noster conscribi, ac a vobis exactâ diligentiâ observari mandarunt, quæ seriatim inferiùs continentur. Ideoque Universitati vestræ per Apostolica scripta mandamus, quatenus singuli Constitutiones easdem cum quibusdam additionibus modificationibus & declarationibus per Alexandrum, & Clementem prædecessores nostros &c.a. Datum Romæ apud Sanctam Mariam Majorem X. Kalendas Maii, Pontificatus nostri Anno Secundo.
-
Bullarium Franciscanum romanorum pontificum, tomus IV, n°CIII., pp.-71
-
(a) Nostros &c.: consulatur Constitutio 54. Clem. IV. anno 1265. die 3. Novembris edita & evulgata tom. 3. hujus Bull. fol. 48. usque in finem.