Description
-
Nicolas IV (1288-1292)
-
Liberam Christifidelibus omnibus sepulturam in Ecclesia Monialium concedit. ex Reges. Vatic. Pontif. epist. 57. anni 2.
-
Anno 1289. die 11. Martii.
-
1289
-
NICOLAUS &c.
Eisdem.
Cum a Nobis petitura. Ea propter dilectæ in Domino filiæ vestris justis postulationibus grato concurrentes assensu, sepulturas Monasterii vestri liberas esse decernimus, ut eorum devotioni & extremæ voluntati, qui illic sepeliri deliberaverint, nisi excommunicati vel interdicti sint, aut publice usurarii, nullus obsistat; dummodo infra claustrum Monasterii vestri corpus alicujus defuncti, Sororum vestrarum corporibus dumtaxat exceptis, nullatenus inhumetur; salvâ tamen justitiâ illarum Ecclesiarum, a quibus mortuorum corpora assumuntur. Nulli ergo omnino hominum liceat hanc paginam nostræ constitutionis infringere, vel ei ausu temerario contraire. Si quis autem hoc attentare præsumpserit, indignationem omnipotentis Dei, & beatorum Petri & Pauli Apostolorum ejus se noverit incursurum. Datum ut supra.
-
Bullarium Franciscanum romanorum pontificum, tomus IV, n°LXXXVIII., p.61
-
(a) Petitur &c.: ut in Bulla 72. Clem. PP. IV. die 17. Mar. 1266. edita usque ad illa verba perducatur effectum.