Description
-
Nicolas IV (1288-1292)
-
Partem pœnitentiæ Sacramen. relaxat visitantibus orationis causâ certis anni diebus Ecclesiam de Custodia B. Mariæ Ord. S. Claræ Carnoten. Diœcesis. ex Vatic. Reges. Pontif. epist. 24. anni 2.
-
Anno 1289. die 7. Martii.
-
1289
-
NICOLAUS &c.
Universis Christifidelibus præsentes litteras inspecturis Salutem, & Apostolicam Benedictionem.
Gloriosus Deus in Sanctis suis de ipsorum glorificatione congaudens, in veneratione B. M. Virginis eò jucundiùs delectatur, quò ipsa, utpote mater ejus effecta, meruit altiùs Sanctis ceteris in cœlestibus collocari. Cupientes igitur, ut Ecclesia Monasterii Monialium de Custodia B. Mariæa Carnoten. Diœcesis Ordinis S. Claræ congruis honoribus frequentetur, omnibus vere pœnitentibus, & confessis, qui Ecclesiam ipsam in Nativitatis Purificationis Annunciationis & Assumptionis ipsius Virginis, Sanctorum Francisci, & Antonii, ac S. Claræ festivitatibus, & per octo dies festivitates ipsas immediate sequentes annis singulis venerabiliter visitaverint, de Omnipotentis Dei misericordia, ac beatorum Petri & Pauli Apostolorum ejus auctoritate confisi, unum annum, & quadraginta dies de injunctis sibi pœnitentiis misericorditer relaxamus. Datum ut supra.
-
Bullarium Franciscanum romanorum pontificum, tomus IV, n°LXXXVI., pp.60-61
-
(a) De Custodia B. M.: de quo Monasterio dictum est ad hujus Pontificis epist. 15. incipien: Ex parte tua &c. die 27. April. præc. anni data.