Description
-
Martin IV (1281-1285)
-
Injungit dandam absolutionem a censuris Eccles. incolis Gualdensibus jam resipiscentibus, pœnaque pecuniaria persoluta. (Ex Reges. Vatic. Pont. epist. 184. to. 2. an. 4.)
-
Anno 1285. die 28. Februarii.
-
1285
-
MARTINUS &c.
Dilecto Filio … Guardiano Fratrum Minorum Castri Gualdia Nucerinæ Diœcesis Sal., & Apostolicam Benedictionem.
Ex parte .... Potestatis, Consilii, Officialium, & Communis Castri Gualdib, & territorii ejus Nucerinæ Diœcesis fuit Nobis humiliter supplicatum, ut cum ipsi super excommunicationum, & interdicti sententiis, aliisque processibus, & pœnis pecuniariis dudum in eos, & ipsorum Terram per Nos, & auctoritate Nostrâ prolatis pro eo, quòd contra homines de Fulgineo, eorumque bona, hominibus de Perusioc tunc in rebellione Romanæ Ecclesiæ persistentibus, dederunt auxilium &c.d Discretioni tuæ, de quâ plenam in Domino fiduciam obtinemus per Apostolica scripta mandantes, quatenus auctoritate Nostrâ præfatum Interdictum relaxans eisdem Potestati, Consiliariis, Officialibus, & hominibus Castri, & Territorii prædictorum tàm maribus, quàm fæminis, cum ab ipsis requisitus fueris, per te, vel per alium, seu alios a præfatis excommunicationibus beneficium absolutionis impendas juxta formam Ecclesiæ consuetam, & injungas eis pœnitentiam salutarem. Non obstante indulgentia &c.e Nolumus autem per quitationem, absolutionem, & relaxationem hujusmodi eisdem hominibus de Fulgineo aliquod præjudicium generari, quominus super damnis illatis eisdem, homines eorumdem Castri, & Territorii teneantur plenariè stare juri.
Datum Perusii ii. Kalendas Martii, Pontificatus Nostri Anno Quarto.
-
Bullarium Franciscanum romanorum pontificum, tomus III, n°LXXV., pp.531-532
-
(a) FF. Minorum Castri Gualdi: Quorum locus anno 1219. a discipulis S. P. Francisci acceptus fuit, tunc Eremitorium 500. pas. ab Oppido situm cum Oratorio SS. Stephano & Laurentio MM. dicato; sed anno 1241. Oppido ad alium locum translato, etiam Fratres ad illum locum se transtulerunt ab Odone Milite seu Equite Gualdensi concessum; apud quem anno 1293. Theseus Rodulphi civis Perusinus Oratorium condidit S. Mariæ de Misericordia nuncupatum, donavitque Fratribus nostris cum assensu Joannis Episcopi Nucerini, & Canonicorum cum horto, & Casalenis adjacentibus Sede Apost. vacante die 8. Augusti Indict. vi., ideoque anno 1293., non 1283., ut per errorem typographiæ legitur apud Rodulphium lib. 2. f. 254. a Waddingo exscriptum ad eum ann. num. 12. Anno deinde 1315. Ecclesia dedicata est sub titulo S. Francisci a Francisco Episcopo Nucerino cum nonnullis aliis ex Jacobillo de Sanctis Umbriæ tom. 1. pag. 177. apud P. Maurum Sartum in Historia Episcop. Eugubini cap. 9. num. 34. pag. 172.
-
(b) Castri Gualdi: In Umbria inter Eugubium, & Nuceriam siti, a qua civitate 7. mill. pas. circiter distat, 15. vero ab Eugubio. Qui Validum dixerunt, errore non vacant; cum Gualdum sit nomen Longobardorum, a quo illorum nomina composita Gualdericus, Gualdefridus, Gualterius.
-
(c) De Perusio: De quo bello, & invasione legenda est epist. 58. supra relata.
-
(d) Auxilium &c. Erat enim tunc Gualdum in territorio, ac jurisdictione Perusinorum. Cetera ut in epist. 69. usque & quitamus.
-
(e) Indulgentia &c. Ut in Bulla 8. supra relata usque mentionem, al. mentio habeatur.