Description
-
Clément IV (1265-1268)
-
Jubet, ut in Arausicen. Avenion., & Vasionen. Diœcesibus Inquisitorem contra hæreticam pravitatem constituat cum facultatibus &c. (Ex Autographo Archivi Conventus S. Francisci Avenionen.)
-
Anno 1267. die 20. Novembris.
-
1267
-
CLEMENS &c.
Dilecto Filio ‥ Ministro Provinciali Fratrum Ordinis Minorum in administratione Provinciæa Salutem, & Apostolicam Benedictionem.
Præ cunctis Nostræ mentis desiderabilibus Catholicæ incrementum Fidei affectantes &c.b Sanè, licet ubilibet Sedis Apostolicæ diligentia contra talium dolosam astutiam, ne diffusius hujusmodi serpat morbus, remedium libenter adhibeat opportunum, in Aurasicac tamen dilectorum Filiorum R. Principis ejusdem, & Commendatoris Jerosolymitani dominio subjectâ, & Inquenarum, Cammareti, Travellan. Serignan., Curtodenis, Gigundatii, Deteolleta, Cartris, & eorum Confinibus Arausicen., Avenionen.d & Vasionen.e Diœcesum dicti Principis dominio subjectis cupientes anxiè, ut negotium Fidei jugi profectu, elisis omnino quibuslibet erroribus, fortius convalescat; ad hoc per vos & alios studemus attentius vigilare. Providimus igitur in eisdem locis ad præsens personam aliquam circumspectam pro tanto negotio deputari cujus honesta conversatio exemplum tribuat puritatis; & doctrinam fundant labia erudita salutarem; ut sacro ipsius ministerio præfata loca prorsus ab hujusmodi contagiis expurgentur. Verùm &c.f Eligas unum de Fratribus ejusdem Ordinis tuæ Provinciæ idoneum ad hujusmodi opus Dominicum exequendum, eique &c. Ut Inquisitionis officium in locis prædictis contra hæreticos, credentes, fautores, defensores, & receptatores eorum juxta formam in aliis litteris expressam, quas Fratri prædicti Ordinis Inquisitori hujusmodi pravitatis in eisdem locis deputato authoritate Apostolicâ, & in posterum deputando, non expresso alicujus nomine super exequendo dicto Inquisitionis officio destinamusg, studeat exequi diligenter. Nos enim prædictum Fratrem, quem ad hoc elegeris, præfatum officium exequi juxta formam in litteris ipsis expressam &c.h
Datum Viterbii xii. Kalend. Decemb. Pontificatus Nostri Anno Tertio.
-
Bullarium Franciscanum romanorum pontificum, tomus III, n°CXL., p.130
-
(a) Provinciæ: Vulgo Provenza, cujus Ministro idem Pontifex jam anno 1265. die 29. Septembris simile munus injunxit binos contra hæreses Inquisitores instituendi in hac Gallica Provincia, Terrisve Caroli Regis Siciliæ, ut supra ad cum annum & diem apparet, & videre est fol. 38.
-
(b) Affectantes &c.: Ut in supradicta Bulla anno 1265. die 29. Septembris emissa usque cognoscimus conspirare.
-
(c) In Aurasica: Al. in Arausica Diœcesi vulgò Oranges sub Archiepiscopo Arelatensi olim Principatus gentis Nossoviæ ex Baudrando, nunc Regiæ ditionis.
-
(d) Avenionen.: Ubi sedem posuerunt Inquisitores hæresum.
-
(e) Vasionen.: Vulgò Vaison Episcopatus nunc sub Avenionensi Archiepiscopo.
-
(f) Verum &c.: Ut in supradicta Bulla ann. 1265. usque tui Ordinis.
-
(g) Destinamus: Quæ tamen ad nos non pervenerunt.
-
(h) Expressam &c.: Ut supra usque ad finem, seu Datum &c. mutatis mutandis.