Description
-
Clément IV (1265-1268)
-
{72}Ut in suæ legationis officio uti possit epe FF. Ord. Prædicat., & Minorum, aliorumve Ordinum non obstantibus &c. (Ex Reges. Vatic. Pontif. ep. 28. to. 3. an. 2.)
-
Anno 1266. die 18. Februarii.
-
1266
-
CLEMENS &c.
Venerabili Fratria ‥ Episcopo Albanen. in Regno Siciliæ Apostolicæ Sedis Legato Sal., & Apost. Ben.
Desiderantes, ut negotium Carissimi in Christo filii nostri C.b Regis Siciliæ illustris felicem auctore Domino consequatur effectum, tibi, cui in Regno Siciliæ plenæ Legationis officium est commissum, injungendi dilectis filiis Fratribus Prædicatorum, & Minorum, ac aliorum Ordinum ubilibet constitutis quæcumque prosecutioni dicti Officii, seu negotii ejusdem utilitati videris expedire; ac contradictores per censuram Ecclesiasticam appellatione postposita compescendi; non obstantibus aliquibus indulgentiis eis, quibus hæc injungenda duxeris specialiter, aut personis eorumdem Ordinum generaliter ab Apostolica Sede sub quacumque verborum forma concessis, per quas in aliquo super hoc se tueri valeant, & de quibus oporteat in nostris litteris plenam & expressam, seu de verbo ad verbum fieri mentionem, plenam & liberam, concedimus auctorirate præsentium facultatem.
Datum Perusii xii. Kalend. Martii, Pontificatus Nostri Anno Secundo.
-
Bullarium Franciscanum romanorum pontificum, tomus III, n°LXVI., pp.-75
-
(a) Venerabili Fratri ‥: Rodulpho Gallo, de quo in Annalibus Ecclesiasticis, & apud Auctores Vitarum S.R.E. Cardinalium.
-
(b) Filii nostri C.: Caroli prius Andegaviæ Comitis, ut superius nunciatum est ad Bullam xli. die 29. mensis Septembris præteriti anni datam nota (g) fol. 38.