Description
-
Clément IV (1265-1268)
-
{47}Leges adversus hæreticos a Friderico II. Rom. Imp. latas, & ab Innocentio, atque Alexandro IV. promulgatas iterum inculcat recipi, & observari. (Ex Archivo nostri Conv. Assisiatis S. Francisci apud Pegnam ad calcem Directorii Inquisitorum, & ex Archivo Aracælitani Conventus num. 71. teste Waddingo in Annal. Min. ad hunc annum num. 6.)
-
Anno 1265. die 31. Octobris.
-
1265
-
CLEMENS &c.
Dilectis Filiis Potestatibus, sive Rectoribus, Consulibus, Capitaneis, Antianis, Consiliis, & Communitatibus Civitatum, aliorumque locorum per Italiam constitutis Salutem, & Apostolicam Benedictionem.
Cum adversus hæreticam pravitatem quondam Fredericus olim Romanorum Imperator, & tunc in Ecclesiæ Romanæ devotione persistens promulgaverit Paduæ quasdam legesa; per quas ne pervagetur, compesci poterit pestis illa: Nos illas, quas fel. record. Innocentius IV. b , & Alexander IV. c Romani Pontifices prædecessores nostri voluerunt ad robur Fidei, ac salutem Fidelium observari; prout ipsius Alexandri Papæ litteris perspeximus contineri; volentes in vestris Capitularibus annotari, Universitati vestræ per Apostolica scripta mandamus, quatenus eas, quarum tenores vobis mittimus insertos præsentibus, in vestris conscribi Capitularibus singuli faciatis, nullis inde temporibus abolendas; Civitates, vel loca, quibus præestis; districtus quoque, seu terras vestræ ditioni subjectas secundum eas ab hæretica fœditate solicitè purgaturi. Tenores autem legum ipsarum hi sunt. Fridericus Dei gratia Romanorum Imperator &c.d
Datum Perusii ii. Kal. Novembris, Pontificatus Nostri Anno Primoe.
-
Bullarium Franciscanum romanorum pontificum, tomus III, n°LII., pp.-48
-
(a) Quasdam leges: Anno 1239., ut supra adnotavimus.
-
(b) Innocentius IV.: Anno 1254. die 22. Maji.
-
(c) Alexander IV.: Anno 1258. die 17. Novembris.
-
(d) Imperator &c.: Ut in supradictis Bullis Innocentii, & Alexandri IV.
-
(e) Pegna jam laudatus huic Bullæ ista præmittit: Eas leges in rescripto Innocentii IV. insertas supra curavimus imprimendas; sed quoniam tunc defuerunt authentica, seu originalia exempla, in nonnullis variatum fuerat; & propterea consulto sublata omni lectionis varietate, & incertitudinis scrupulo alias duximus imprimendas. Extat hæc Bulla etiam in Bullario Ord. Prædicator. tom. 1. Bul. 30. hujus Clementis Kalendis Novembris data forsan per errorem scribarum.