« bullarium-franciscanum-1781 »

CLEMENS &c.

Dilecto filio … Ministro Provincialia Ordinis Minorum in administratione Provinciæb Sal., & Ap. Bened.

Præ cunctis nostræ mentis desiderabilibus Catholicæ incrementum Fidei affectantes nimio utique dolore replemur, cum audimus aliquos, vel sentimus, ad illius depressionem qualicumque malignitate satagere, vel damnabilibus ipsam depravando reprehensionibus, aut detractionibus ei abrogabilibus derogando, seu commentis eamdem mendacibus pervertendo; ad quorum iniqua consternenda molimina eò animosius aspiramus, quò in animarum stragem perniciosius eos agnoscimus conspirare. Sane, ut accepimus, in aliquibus partibus Comitatuum Provinciæ, & Forcalquerii, & quibusdam Civitatibus, & locis, sive Terris Imperiic infra Arel., Aquen., & Ebredunen.d Provinciarum terminos costitutis charissimo in Christo filio nostro K.e Illustri Regi Siciliæ mediate, vel immediate subjectis; & etiam in Civitate Avenionensif adeo infedelitatis error invaluit, quod ibi quamplurimi a via veritatis prorsus aversi euntes per devium falsitatis pestiferas ad concutiendum Orthodoxæ murum Fidei machinas construant, molientes ipsum fallacium argumentationum impulsibus demoliri. Verum licet ubilibet Sedis Apostolicæ diligentia contra talium dolosam astutiam, ne diffusius hujusmodi serpat morbus, remedium libenter adhibeat opportunum; In prædictis tamen Comitatibus, Civitatibus, & locis, sive Terris cupientes anxiè, ut negotium Fidei jugi profectu, elisis omnino quibuslibet erroribus, fortius convalescat, vigilare ad hoc per vos, & alios eò studemus attentius, quò præfatum Regem prædictorum Comitatuum, Civitatum, & Locorum, sive Terrarum Dominum ferventissimum utique ipsius Fidei Zelatoremg promptiorem sentimus ad idem negotium efficaciter promovendum. Providimus igitur in prædictis Comitatibus, Civitatibus, & Locis, sive Terris ad præsens Personas aliquas circumspectas pro tanto negotio deputari, quarum honesta conversatio exemplum tribuat puritatis, & doctrinam fundant erudita labia salutarem; ut sacro ipsarum ministerio præfati Comitatus, Civitates, & Loca, sive Terræ ab hujusmodi contagiis expurgentur. Verum quia de prudentiæ tuæ industria firmam in Domino fiduciam obtinemus, discretioni tuæ per Apostolica scripta firmiter præcipiendo mandamus, quatenus de consilio aliquorum discretorum Fratrum tui Ordinis eligas duos de Fratribus ejusdem Ordinish tuæ administrationis idoneos ad hujusmodi opus Dominicum exequendum, eisque in virtute obedientiæ districte Apostolica præcipere auctoritate procures, ut Inquisitionis officium in ipsis Comitatibus, Civitatibus, & Locis, sive Terris contra Hæreticos, Credentesi, Fautores, Defensores, & Receptatores eorum juxta formam in aliis nostris litterisj expressam, quas Fratribus prædicti Ordinis Inquisitoribus hujusmodi pravitatis in eisdem Comitatibus, Civitatibus, & Locis, sive Terris deputatis auctoritate Apostolica, & inposterum deputandis non expressis aliquorum nominibus super exequendo dicto Inquisitionis officio destinamus, exequi studeant diligenter. Nos enim prædictos duos Fratres, quos ad hoc elegeris, & utrumque ipsorum præfatum officium exequi juxta formam in litteris ipsis expressam, ac ipsos illam potestatem, & auctoritatem plenariè habere volumus, quæ in eisdem litteris continetur. Si vero Tu, vel Vicarius tuus, te absente, aliquem Inquisitorum hujusmodi ex aliqua fortè causa nonnumquam fore videbitis amovendum, ipsum amoveatis, & substituatis loco ejus alium, quem similem potestatem, & auctoritatem habere volumus, quoties vobis deliberatione cum aliquibus discretis Fratribus dicti Ordinis præhabita, hoc fore videbitur faciendum. Et si aliquem, vel aliquos Inquisitorum ipsorum decedere fortè contigerit, Nos substituendi de Consilio aliquorum discretorum Fratrum ejusdem Ordinis alium, vel alios loco illius, vel illorum, qui decesserint, ita quod hujusmodi substituti eisdem omnino auctoritate, & potestate fungantur, Tibi, dictoque Vicario, si tu absens fueris, plenam, & liberam concedimus tenore præsentium facultatemk.

Datum, ut supra.l