Description
-
Alexandre IV (1254-1261)
-
Annuam Indulgentiam impertitur visitantibus orationis causa certis diebus Ecclesiam S. Antonii Ordinis Minorum Glemonen. (Ex Autographo sub plumbo in Archivo nostri Conventus dicti Oppidi Glemonæ.)
-
Anno 1259. die 17. Novembr.
-
1259
-
ALEXANDER &c.
Universis Christifidelibus præsentes litteras inspecturis Salutem, & Apostolicam Benedictionem.
Splendor paternæ glorię, qui sua Mundum illuminat &c.a Rogamus itaque Universitatem vestram, & hortamur in Domino in remissionem vobis peccaminum injungentes, quatenus ad Ecclesiam dilectorum filiorum Fratrum Minorum de Glemonab Aquilegen. diæcesisc imploraturi a Domino delictorum veniam in humilitate spiritus accedatis. Nos enim, ut Christi fideles quasi per præmia salubriter ad merita invitemus, de Omnipotentis Dei misericordia, & Beatorum Petri, & Pauli Apostolorum ejus auctoritate confisi omnibus vere pœnitentibus & confessis, qui ad dictam Ecclesiamd in festivitatibus Sanctorum Francisci & Antonii Confessorum, ac Beatæ Claræ, & usque ad octavas festivitatum ipsarum causa devotionis accesserint, annuatim centum dies de injuncta sibi pœnitentia misericorditer relaxamus.
Datum Laterani xv. Kal. Decembris, Pontificatus Nostri Anno Sexto.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°DXX., p.370
-
(a) Illuminat &c.: Ut in 227. diplomate hujus Pontificis Asculano Monasterio dato anno 1256. die 2. Augusti p. 152. usque adjuvatur.
-
(b) De Glemona: Al. Clemona vulgo Gemona nobili Oppido, seu Civitate in Forojuliensi vulgariter Friuli Regione, Venetaque ditione prope confinia Carnorum, & Germanorum dominium inter Tilaventum hodie Tagliamento, & fontes Sontii nunc Lisonzo flumina sita, nobilitate Civium, ædium structura, & incolarum frequentia satis conspicua, ut in generalibus illius Provinciæ Comitiis prima post Utinensem urbem suffragium ferat; unde multum erravit Michael Ant. Baudrand in Lexico Geograph. hanc Oppidulum appellans, cum recte Philippus Ferrarius Oppidum amplum dixisset ibidem.
-
(c) Aquilegen. Diœcesis: Sed nunc, idque paucis ab hinc annis Utinensis Diœcesis, a qua nova Metropoli 15. mill. pas. distare fertur in via, quæ Villacum Carinthiæ oppidum ducit.
-
(d) Ecclesiam: Quam dicunt consecratam fuisse idibus Martii an. 1228. a Bertoldo e Ducibus Meraniæ, Tirolique Comitibus Patriarcha Aquilejen., & S. Elisabethæ Hungaræ avunculo, eique Fratribus nostris concessæ S. Antonium Patavinum parvum Cœnobium pro conditione temporum adjunxisse cum Ædicula, seu Oratorio B. Virgini Gratiarum dicato, quod usque in hodiernum diem vulgus appellat S. Antonii Sacellum. De hoc Glemonæ loco, qui est 3. al. 4. Custodiæ Forojulien. in Provincia S. Antonii, al. Marchiæ Tarvisinæ, Venetaque ex sæpe cit. Provinciali Ordinis antiquo apud Chronicon Jordani, & Barthol. Pisanum Conform. xi. legi poterit & Waddingus ad annum 1227. num. 19.