Description
-
Alexandre IV (1254-1261)
-
Syndicos Fratrum Minorum a se constitutos commendat, ut illis opem ferant, nec a quoquam molestari permittant. (Ex Autographo Archivi Assisiatis nostri Conventus S. Francisci, & apud Autorem Collis Paradisi lib. 2. pag. 26.)
-
Anno 1259. die 29. Septembr.
-
1259
-
ALEXANDER &c.
Dilectis filiis Perusien. Assisiat. Castellan. Eugubin. Tudertin. Amelien. Narnien. Interamnen. Spolet. Fulginat., & Nucerin. Civitatum, & Diœcesium Potestatibus, & Communitatibusa Salutem, & Apostolicam Bened.
Cum dilectos filios Jacobum Samuelis, & Venturam Judicis Cives Assisiat. in omnibus bonis mobilibus, & immobilibus, ac se se moventibus Ecclesiæ Romanæ Dilectorum filiorum Fratrum Ordinis Minorum de Conventibus Civitatum, & Diæcesium vestrarum contemplatione collatis, & in posterum conferendis, & omnibus bonis, quæ ipsi Ecclesiæ ex institutione dicti Ordinis provenirent in futurum, Procuratores, negotiorum gestores, Syndicos constituerimusb, & actores; Universitatem vestram, rogamus, & hortamur attente, per Apostolica vobis scripta mandantes, quatenus prædictos Cives, & substituendos ab eis, ac alios Procuratores, quos alias super hoc constituimus, habentes ob reverentiam Apostolicæ Sedis, & nostram propensius commendatos ipsis circa executionem commissi sibi officii impendatis consilium, auxilium, & favorem; nec permittatis eos, quantum in vobis fuerit, ab aliquibus indebite molestari. Preces autem, & mandatum nostrum taliter adimplere curetis; quod Cives, & alii prædicti vestro fulti præsidio in eodem officio valeant prosperari; nosque devotionem vestram exinde merito commendemusc.
Datum Anagniæ iii. Kal. Octobris, Pontificatus Nostri Anno Quintod.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°DXIV., p.366
-
(a) Communitatibus: Octo Custodiarum Provinciæ S. Francisci, seu Umbriæ; nam ultima Custodia illius Provinciæ, videlicet Regni extra Umbriam sita erat in Diœc. Reatina, & Asculana.
-
(b) Constituerimus: Et paulopost, ac alios Procuratores, quos alias super hoc constituimus: cum tamen Innocentius IV. diplomate Quanto studiosius &c. anno 1247. die 19. Augusti concesserit Ministris Provinciarum facultatem instituendi Procuratores locorum pro eorum indigentia: sed videas no. (h) ad illud.
-
(c) Commendemus: Memorat hanc Bullam ex Indiculo Bullarii Seraph. Auctor Supplementi Annal. Waddingi ad hunc annum n. 2., sed mendose scribit datam pro FF. Jacobo, Samuele, & Bentura xiii. Kal. Octob.
-
(d) Clemens postea IV. alios Syndicos, & Procuratores pro eadem Provincia constituit litteris Cum dilecti filii &c. anno 1265. die 25. Julii datis.