Description
-
Alexandre IV (1254-1261)
-
Ut condemnationem Libelli de periculis novissimorum temporum contra Religiones Mendicantium editi a se factam ubique publicent, & publicari faciant. (Ex Autographo Conventus S. Francisci Salmanticen.; Monumentis Ord. Min. fol. 29. Roderico in Bullario Regul. tom. 1. Bul. 20., & Bullario Ord. Prædicat. to. 1. Bul. 151. Alex. IV.)
-
Anno 1257. die 30. Martii.
-
1257
-
ALEXANDER &c.
Venerabilibus fratribus Patriarchis, Archiepiscopis, & Episcopis Salutem, & Apostol. Bened.
Quidam Scripturæ Sacræ intelligentiam se habere fatentes &c.a Ideoque Fraternitati vestræ per Apostolica scripta in virtute obedientiæ districte præcipiendo mandamus, quatenus singuli vestrum ad requisitionem eorumdem Fratrumb in Civitatibus, & Diœcesibus vestris manentium hujusmodi nostram reprobationem, condemnationem, præceptum, & prohibitionem, ac præmissa omnia in locis earumdem Civitatum, & Diœcesum, ubi expedire viderint, solemniter publicare studeant, & faciant publicari: Contradictores per censuram Ecclesiasticam appellatione postposita compescendo: litterisc Venerabilibus Fratribus nostris Turonen., & Rothomagen. Archiepiscopis, ac Episcopo Parisien. a Nobis super hoc directis nihilominus in suo robore duraturis.
Datum Laterani iii. Kalen. Aprilis, Pontificatus Nostri Anno Tertio.
-
Bullarium Franciscanum romanorum pontificum, tomus I ab Honorio III ad Innocentium IIII, Rome, 1759, n°CCCXXI., pp.211-212
-
(a) Fatentes &c.: Ut in Bulla 241. an. 1256. die 5. Octobr. edita, & incip. Romanus Pontifex &c. post medium usque ad illa verba: a similibus frænabuntur: subditurque: Ideo &c.
-
(b) Eorundem Fratrum: sc. Ordinis Prædicatorum, & Minorum.
-
(c) Litteris: Eodem modo incipientibus anno 1256. die 21. Octobris datis, vel præcedentibus hoc anno, & die conscriptis.